| 1. |
Die aangehegte rooster vir die BOOV Vlak 4-eksamens in Oktober 2007 is van die nasionale Departement van Onderwys ontvang. Die eksamens sal op 10 Oktober 2007 begin en op 30 Oktober 2007 eindig. Elke leerarea sal geskryf word vanaf 14:00 tot 17:00 op die dae soos aangedui. Aangesien hierdie eksamens 'n nasionale proses is, is die datums en tye van toepassing op die hele land en kan geen afwyking van die rooster toegelaat word nie.
|
| 2. |
Soos in die verlede sal OBOS- en Hoofkantoorbeamptes asook Umalusi-verteenwoordigers die eksamenproses monitor.
|
| 3. |
Indien 'n eksamen op die terrein van 'n hoofstroomskool plaasvind, kan die sentrumbestuurder vooraf reëlings tref vir die gebruik van die kluis, die administrasiegebou, klaskamers, ablusiegeriewe, ens.
|
| 4. |
Sentrums moet verseker dat hulle hoofopsieners en opsieners goed opgelei is en in staat is om die administrasie van die eksamens doeltreffend te behartig.
|
| 5. |
Om administriewe sake te hanteer, is dit nodig vir sentrumbestuurders om by die eksamensentrums te wees voor die begin sowel as na die einde van elke eksamensessie.
|
| 6. |
Geen persoon mag in die eksamenlokaal toegelaat word tensy hy of sy 'n gemagtigde identifikasiekaart kan toon nie.
|
| 7. |
Sentrumbestuurders word ook versoek om
|
| 7.1 |
die eksamenrooster so gou as moontlik aan al hulle opvoeders en kandidate te verskaf, om hulle toe te laat om hulle finale voorbereidings vir die eksamens te tref.
|
| 7.2 |
om hulle kandidate daaraan te herinner dat hulle identiteitsdokumente en toelatingsbriewe getoon moet word voor die aanvang van elke eksamen, en
|
| 7.3 |
om al hulle kandidate namens die Wes-Kaap Onderwysdepartement sukses toe te wens met die eksamens.
|
GETEKEN: M. CAMERON
HOOF: ONDERWYS
DATUM: 2007:08:22
|