1. Dit is hierdie jaar die laaste geleentheid waarby die Senior Sertifikaat-eksamen geskryf sal word, ingevolge die beleid in Report 550, A Résumé of Instructional Programmes in Schools. Die LUR vir Onderwys het gedurende die afgelope paar jaar toekennings aan skole en leerders oorhandig vir uitnemendheid en verbetering en sal hierdie jaar dieselfde doen wanneer die Senior Sertifikaat-uitslae bekend gemaak word.
2. Die kriteria vir die seleksie van die bekroondes sal nie veel verskil van die vorige jare nie. Die bekroondes sal gekies word deur 'n paneel amptenare, aan die hand van die kriteria soos gegee in Bylae A en B en die lys wat vir goedkeuring aan die Hoof van Onderwys voorgelê word. Die besluit van die Hoof van Onderwys is finaal.
3. Die toekennings vir die Senior Sertifikaat-eksamen fokus op uitnemendheid en verbetering binne die konteks van die skool, verbetering in uitkomste, oorhoofse uitnemendheid en verbetering in die sleutelareas, Wiskunde en Wetenskap. Die toekenningsplegtigheid gee ook erkenning aan leerders wat presteer het.
3.1 Die kriteria vir die toekennings vir skole word in Bylae A en vir leerders in Bylae B gegee.
3.2 Indien geen skole of leerders aan die kriteria voldoen nie, hou die WKOD die reg voor om nie 'n toekenning te maak vir die bepaalde kategorie nie.
4. Aanmoediging soos die Senior Sertifikaat-toekennings moet skole en leerders aanspoor om te streef na uitnemendheid en verbetering en daar word vertrou dat skole hierdie toekennings sal beskou as 'n verering van prestasie.


GETEKEN: M. CAMERON
HOOF: ONDERWYS
DATUM: 2007:08:01

Bylae A  (grootte: 41 KB)
Bylae B  (grootte: 16 KB)