1. Ekonomie, 'n keusevak in die VOO-band, het vier leeruitkomste, nl. Makro-ekonomie, Mikro-ekonomie, Ekonomiese Bedrywighede en Hedendaagse Ekonomiese Kwessies.
2. Teen die einde van die vakoriënteringswerkwinkels in die Junie/Julie-vakansie van 2006 het baie onderwysers aangedui dat hulle 'n opknappingskursus in Mikro-ekonomie nodig het om die nuwe Ekonomie-kurrikulum doeltreffend te kan aanbied.
3. 'n Eendaagse opknappingskursus sal op Saterdae aangebied word, soos aangedui in Bylae B. Hierdie kursus behandel Mikro-ekonomie (Leeruitkoms 2).
4. Engelssprekende onderwysers moet by hulle onderskeie OBOS'e registreer. Afrikaanssprekende onderwysers in stedelike OBOS'e mag registreer by die naaste OBOS wat die kursus in Afrikaans aanbied. (nl. Metropool-Noord of Metropool-Oos).
5. Dit word aanbeveel dat alle graad 10 - 12 Ekonomie-onderwysers hierdie werkwinkel bywoon. Die kursus begin stiptelik om 8:30 in die oggend en sal teen 16:00 sluit. Verversings en 'n ligte middagete sal voorsien word.
6. Onderwysers word versoek om hulle graad 10 - 12 Ekonomie leerderboeke en onderwysersgidse na die werkwinkel saam te bring.
7. Onderwysers van die platteland sal vergoed word vir reiskostes. Afgevaardigdes wat beplan om vir hierdie uitgawes eise in te dien, moet die volgende inligting gereed hê by die konferensie:
  • Persalnommer
  • Enjinkapasiteit van die voertuig wat gebruik is en die jaar van vervaardiging
  • Die kilometerafstand van die skool na die lokaal
8. Onderwysers van plattelandse OBOS'e wat meer as 120 kilometer van die lokaal af woon en akkommodasie verlang, moet hulle eie reëlings tref. Hierdie onderwysers moet hulle eise indien op die dag van die kursus voor hulle teruggaan.
9. Prinsipale word versoek om die voltooide registrasievorm (Bylae A) te faks na die Kurrikulumadviseur vir Ekonomie by die betrokke OBOS teen nie later nie as 15 Augustus 2007. Dui asseblief die korrekte vergaderplek op die vorm aan. (Sien Bylaes A en B.)
10. Prinsipale kan die kurrikulumadviseur vir Ekonomie by die betrokke OBOS (Bylae B) kontak vir verdere inligting.
11. Prinsipale word vriendelik versoek om die inligting van hierdie kurrikulumminuut onder die aandag te bring van die vakhoof en onderwysers van Ekonomie.


GETEKEN: M. CAMERON
HOOF: ONDERWYS
DATUM: 2007:08:07

Bylae A  (grootte: 5 KB)
Bylae B  (grootte: 10 KB)