| 1. |
Die opleiding van onderwysers van Rekenaartoepassingstegnologie (RTT) en Inligtingstegnologie (IT) vir graad 10 tot 12 sal aangebied word deur die Kaapse Skiereiland Universiteit vir Tegnologie (KPUT), Belville-kampus, wat as uitgekontrakteerde diensverskaffer vir die nasionale Departement van Onderwys optree. Opleiding sal insluit praktiese sessies waar die toepassings gebruik word.
|
| 2. |
Provinsiale opleidingsprogramme vir RTT en IT
|
| 2.1 |
Die opleiding is oop vir onderwysers wat tans RTT en IT aanbied.
|
| 2.2 |
Die opleidingsprogram vir elke vak, soos ontwikkel deur die diensverskaffer, strek oor 'n tydperk van sewe dae en beloop altesaam 64 uur.
|
| 2.3 |
Verwys asseblief na Bylae A vir daaglikse kursustye, assessering en opleidingsvlakke.
|
| 3. |
Kursusdeelnemers aan RTT
|
| 3.1 |
Daar is leeraannames vir elke vlak. (Verwys na Bylae A vir 'n lys met voorvereiste vaardighede en kennis vir die verskillende kursusse.)
|
| 3.2 |
RTT Vlak 3 sal aangebied word van Sondag, 23 September tot Saterdag 29 September 2007. (RTT Vlak 1 en 2 is aangebied in Junie 2006.)
|
| 3.3 |
Onderwysers wat RTT vlak 2 en vlak 3 voltooi, sal vrystelling verwerf van die RTT-verwante kursusse indien hulle vir die GSO-kursus inskryf wat deur die Tswane Universiteit van Tegnologie aangebied word. Hulle sal slegs die onderwysverwante kursusse hoef te voltooi ten einde vir 'n Gevorderde Sertifikaat in Onderwys (GSO) in RTT in aanmerking te kom. Die kursusse is op 'n NKR vlak 5 geregistreer en dra 24 krediete.
|
| 4. |
Kursusdeelnemers aan IT
|
| 4.1 |
Daar is leeraannames vir elke vlak. (Verwys na Bylae A vir 'n lys met voorvereiste vaardighede en kennis vir die verskillende kursusse.)
|
| 4.2 |
IT Vlak 2 sal aangebied word van Sondag, 23 September tot Saterdag, 29 September 2007. (IT Vlak 1 is aangebied in Junie 2006.)
|
| 5. |
Inligting wat van onderwysers vereis word (Sien Bylae B - registrasievorm)
- Van
- Voornaam/voorname - alle name soos op die ID
- Identiteitsdokument
- PERSAL-nommer
- E-posadres
- Kontaktelefoonnommers (werk, huis en sel)
- Skoolbesonderhede
|
| 6. |
Onderwysers moet die volgende hê by hulle aankoms by die kursus:
- Skryfbehoeftes: Pen en eksamenblok vir notas
- Afskrif van ID-dokument
- Nasionale Kurrikulumvakverklaring
- Leerprogramriglyne
- Vakassesseringsriglyne
Hierdie dokumente kan afgelaaI word van http://curriculum.pgwc.gov.za/site/119/page/view/
|
| 7.1 |
Onderwysers moet by die kurrikulumadviseurs by die betrokke OBOS registreer. (Sien besonderhede hieronder.) Die aangehegte registrasievorm, Bylae B, moet ingevul word en aan die betrokke kurrikulumadviseur ge-e-pos of gefaks word teen nie later nie as 31 Augustus 2007.
|
| 7.2 |
Die proses sal deur die Direktoraat: Kurrikulumontwikkeling by Hoofkantoor bestuur word.
|
| 7.3 |
Alle onderwysers sal deur bogenoemde kurrikulumadviseurs in kennis gestel word of die aansoek om registrasie geslaagd was.
|
| 7.4 |
Slegs onderwysers wat 'n bevestigingsbrief ontvang het met betrekking tot registrasie mag op Sondag, 23 September 2007 by die opleidingslokaal aanmeld.
|
| 8. |
Uitgawes aangegaan deur onderwysers
|
| 8.1 |
Onderwysers sal vergoed word vir reiskoste. Dit is dus noodsaaklik dat elke onderwyser die volgende na die werkswinkel sal bring:
|
| 8.1.1 |
Sy of haar Persal-nommer
|
| 8.1.2 |
Registrasiebesonderhede van die voertuig wat hy of sy vir vervoer gebruik
|
| 8.1.3 |
Bankrekeningbesonderhede
|
| 8.2 |
Onderwysers moet hulle eisvorms by die lokaalbestuurders by KPUT indien.
|
| 8.3 |
Onderwysers wat van openbare vervoer gebruik maak (bus- en treindienste) moet amptelike kwitansies aan hulle eise vir reiskoste heg. Indien onderwysers per minibus reis, moet hulle eise vergesel wees van óf die uitgereikte kwitansies óf 'n brief van die prinsipaal waarin onkoste aangegaan uiteengesit word. Elke onderwyser moet 'n afsonderlike geverifieerde eis indien.
|
| 8.4 |
Geen onderwyser sal vir reiskoste vergoed word wat aangegaan word op pad van sy of haar vakansiebestemming na die opleidingslokaal nie.
|
| 8.5 |
Onderwysers wat nie van die koshuisakkommodasie gebruik wil maak nie, sal NIE vergoed word vir enige ander akkommodasiekoste nie.
|
| 9. |
Onderwysers wat nie registreer nie, sal om logistieke redes nie toegelaat word om die opleiding by te woon nie.
|
| 10. |
Prinsipale word vriendelik versoek om die indieningsdatum van 31 Augustus 2007 na te kom, om seker te maak dat onderwysers by die vereistes hou en om die inhoud van hierdie Kurrikulumminuut onder die aandag van alle graad 10- tot 12-onderwysers vir RTT en IT te bring.
|
GETEKEN: M. CAMERON
HOOF: ONDERWYS
DATUM: 2007:07:30
|