| 1. |
Inleiding
Die Senior Sertifikaat word onderwerp aan 'n gehalteversekeringsproses wat gelei word deur die gehalteversekeringsagent, Umalusi. Gehalteversekering van assessering sluit in die moderering van provinsiale departementele eksamenstelsels, die moderering van nasionale sowel as provinsiale vraestelle, die monitering van die verloop van die eksamens, die monitering van die nasienproses en die statistiese aanpassing van punte. Die statistiese benadering tot die aanpassing van punte word aangewend tydens die nasionale en provinsiale standaardiseringsvergaderings vir die Senior Sertifikaat, BOOV en beroepsonderwys. Vorige inligting aangaande die standaaardiseringsproses verskyn in Omsendbrief 0076/2002.
|
| 2. |
Doel van standaardisering
Standaardisering word toegepas om te verseker dat standaarde van die Senior Sertifikaat oor jare en ten opsigte van vakke en eksamenowerhede gehandhaaf word. Dit het as mikpunt die lewering van 'n konstante produk aan hoëronderwysinrigtings en werkgewers.
|
| 3. |
Algemene beginsels van standaardisering
|
| 3.1 |
Roupunte wat naby die norm lê, word nie normaalweg aangepas nie.
|
| 3.2 |
Positiewe sowel as negatiewe aanpassings kan gemaak word.
|
| 3.3 |
Geen aanpassings van meer as 10 persent sal plaasvind in enige rigting nie, behalwe in uitsonderlike gevalle.
|
| 3.4 |
Geen kandidaat se punte sal aangepas word tot onder die punt wat nodig is vir 'n aangepaste slaagsyfer op die laergraad nie.
|
| 3.5 |
Aanpassings sal nie meer as 50% van die kandidaat se punt uitmaak nie, bv. op 10% mag 'n kandidaat se punte met nie meer as 5% aangepas word nie.
|
| 3.6 |
Kommentaar deur die hoofeksaminator en die interne moderator word in ag geneem wanneer aanpassings tot die punte oorweeg word.
|
| 3.7 |
Waar die getal kandidate te klein is om 'n statistiese model uit te maak, word normaalweg geen aanpassings gemaak nie. Punte van vakke met 'n klein getal kandidate word normaalweg nie aangepas nie.
|
| 4. |
Standaardiseringsproses
|
| 4.1 |
Ogivering bestaan uit 'n vergelyking van die mediaan en die verspreiding van 'n spesifieke jaar se punte vir 'n vak en graad met dié van vorige jare en met 'n norm wat saamgestel is uit die roupunte van die vorige vyf jaar. Die doel is om te probeer om die mediaan by die verdeling te laat pas deur punte met nie meer nie as 10% aan te pas. In die geval van provinsiale vraestelle word geen individuele skool se punte in die proses ontleed nie en in die gaval van die nasionale algemene vraestelle word geen provinsie se uitslae in die proses in ag geneem nie.
|
| 4.2 |
Paarontleding is 'n vergelyking van die gemiddelde punte van 'n groep kandidate in 'n vak (ankervak) met dié van dieselfde groep kandidate in ander vakke. Die doel hiervan is om 'n vergelyking te tref tussen die vlak van prestasie van 'n groep kandidate in verskillende vakke in dieselfde eksamen.
|
| 4.3 |
Buiten die statistiese gegewens, oorweeg die paneel ook kwalitatiewe verslae van die hoofeksaminators en moderatore by die neem van besluite aangaande die aanpassing van punte.
|
| 4.4 |
Skole moet daarop let dat praktiese punte ook ingesluit word in die standaardiseringsproses, aangesien hierdie komponente as deel van die eksamen beskou word. Slegs DASS-punte word nie by die standaardiseringsproses ingesluit nie.
|
| 5. |
Deurlopende Assesseringspunte
|
| 5.1 |
Volgens Umalusie het 'n vergelyking tussen eksamenpunte en DASS-punte laat blyk dat baie onderwysers nog nie bevoeg is om DASS-punte toe te ken nie. Die DASS-punt is dikwels aansienlik hoër as die eksamenpunte in sommige vakke. Aanpassings word vir elke vak in 'n besondere skool gemaak. Aangesien dit per vak gedoen word, is daar geen aanpassingsproses betrokke by die algehele slaagkoerse van skole nie.
|
| 5.2 |
Die onderstaande tabel verskaf 'n aanduiding van die statistiese aanpassing wat vir 'n spesifieke vak in 'n skool gemaak is.
| 5.2.1 | Die skool se DASS-gemiddeld is meer as 10% hoër as die skool se eksamengemiddeld | DASS afwaarts aangepas tot 5% bokant die eksamengemiddelde van die skool |
| 5.2.2 | Skool se DASS-gemiddeld is laer as die skool se eksamengemiddeld | DASS opwaarts aangepas tot 5% bokant die eksamengemiddelde van die skool |
| 5.2.3 | DASS-gemiddeld tussen 5% en 10% bo die skool se eksamengemiddelde | Geen aanpassing van DASS nie |
| 5.2.4 | Standaardafwyking van die DASS-punte van die skool te klein in verhouding tot die standaardafwyking van die skool se eksamenpunte. | DASS-punt word geïgnoreer en alle kandidate kry 1.25% tot hulle eksamenpunt bygevoeg. |
|
| 5.3 |
Ten slotte sal daar 'n kompensasie van 5% wees op die finale punt vir nietaalvakke vir kandidate wie se huistaal 'n Afrika-taal is. Verdere analise van hierdie aangeleentheid sal onderneem word deur Umalusi.
|
| 6. |
Integriteit van die standaardiseringsproses
Opvoeders en leerders kan verseker wees dat die hoogste standaarde van integriteit deur hierdie proses heen gehandhaaf word. In die moontlike aanpassing van punte in die provinsiale vraestelle, word geen individuele skool uitgesonder nie, en in die moontlike aanpassing van punte in die nasionale algemene vraestelle sal geen individuele provinsie uitgesonder word nie. Die Wes-Kaap Onderwysdepartement is tevrede dat al sy kandidate billik behandel sal word in hierdie proses, en die Departement is goed verteenwoordig by die vergaderings waar die uitslae in Desember bespreek word.
|
| 7. |
Bring asseblief die inhoud van hierdie minuut onder die aandag van alle betrokke onderwysers by u skool.
|
GETEKEN: M. CAMERON
HOOF: ONDERWYS
DATUM: 2007:07:30
|