| 1.1 |
Die Nasionale beleid oor assessering en kwalifikasies vir skole in die Algemene Onderwys-en-opleidingsband (Regeringskoerant 29626 van 12 Februarie 2007),vereis dat die AAT uit twee dele sal bestaan. Die eerste deel (Afdeling A) is prestasiegebaseerde take bestaande uit verskillende aktiwiteite. Die tweede deel is 'n geskrewe toets (Afdeling B) wat onder gekontroleerde toestande geskryf moet word. Verder sê die beleid dat die Departement van Onderwys die ontwikkeling van die AAT sal bestuur en die nasionale rooster vir die administrasie van afdeling B van die AAT sal bepaal.
|
| 1.2 |
Die AAT word in die 4de kwartaal van die akademiese jaar afgehandel en is die enigste formele assesseringstaak wat vir daardie kwartaal opgeteken word. Ingevolge die Staatskoerant moet alle leerders by openbare en onafhanklike skole wat die NKV volg en graad 9 aanbied die DASS- en AAT- (Afdeling A en Afdeling B) komponente voltooi. Vir die voltooiing van Afdeling B, die geskrewe toets, word twee uur per leerarea toegeken.
|
| 1.3 |
Daar word van onderwysers verwag om Afdeling B na te sien as deel van hulle administrasie van die assesseringsprogram vir graad 9.
|
| 1.4 |
Die aangehegte rooster (Bylae B) vir die administrasie van Afdeling B van die AAT het die fisiese beperkings in skole ten opsigte van die graad 11- en 12-eksamens in ag geneem. Die administrasie van die graad 9 AAT is geskeduleer vir tye wat nie met hierdie eksamens sal bots of inmeng nie. Die aangehegte rooster verseker verder dat leerders so lank as moontlik in die jaar op skool gehou word, sodat die graad 9-leerders nie kurrikulumtyd verloor deur die skool te verlaat voor die amptelike einde van die akademiese jaar nie. Leerders sal hierdie toets in die klaskamers aflê as deel van die normale skooldag.
|
| 1.5 |
Die AAT sal in skole afgehandel word vanaf 12 November 2007 tot 23 November 2007.
|
| 1.6 |
Ter wille van gelykheid en billikheid moet die AAT's vertroulik gehou word in die tyd voor dit gedoen word. Prinsipale word dus versoek om onderwysers toegang te verleen tot die AAT's sodra dit ontvang word, maar moet verseker dat onderwysers die vooraf vertroulikheid van die dokumente handhaaf.
|
| 1.7 |
Volgens die Staatskoerant 29626 van 12 Februarie 2007, is die bevordering van alle leerders afhanklik van die resultate van die DASS en die AAT. Die vereistes vir bevordering word duidelik uiteengesit in die Staatskoerant.
|
| 2.1 |
Die OBIS-registrasienommers sal gebruik word vir die verspreiding van die AAT's. Indien daar graad 9-leerders by u skool is wat nog nie op OBIS geregistreer is nie, maak asseblief seker dat dit dadelik gedoen word, anders sal u skool nie genoeg kopieë van die AAT's ontvang nie. Aangesien die graad 11- en 12-eksamens gelyktydig plaasvind, sal die WKOD nie in staat wees om ekstra kopieë van die AAT's te stuur nie.
|
| 2.2 |
Navrae i.v.m. die registrasie van leerders kan gerig word aan mnr L van Gensen by 021 467 2976 of mnr L van Harte by 021 467 2965, of aan die e-posadres lvgensen@pgwc.gov.za
|
| 3. |
Navrae i.v.m. die aflewering van die AAT's kan gerig word aan mnr C Berry by 021 467 2265 of 021 467 2954, of aan die e-posadres cberry@pgwc.gov.za.
|
| 4. |
Aanpassing van die AAT's
Alle AAT's word aangepas deur 'n span onderwysers (deur die nasionale Departement van Onderwys [DvO] aangewys) wat deskundiges is in die hantering van leerstoornisse. Die DvO sal hierdie AAT's druk en onder die betrokke skole versprei.
|
| 5. |
Aflewering van die AAT's
|
| 5.1 |
Die AAT's sal by skole afgelewer word in die vierde kwartaal.
|
| 5.2 |
Skole word versoek om die houers oop te maak en die AAT's te inspekteer sodra hulle ontvang word om seker te maak dat die nodige voorbereidings getref kan word, bv om die geskikte toerusting of hulpmiddels te verskaf, sodat die proses glad kan verloop.
|
| 5.3 |
Kaarte sal aan skole gestuur word sodra hulle van die drukkers ontvang is. Skole moet daarop let dat die kaarte wat voorsien sal word vir toekomstige gebruik gehou moet word.
|
| 6.1 |
Vanjaar, soos in 2006, word daar weer 'n meester-CD sowel as die elektroniese MS Excel-weergawe met inligting en instruksies vir bewerkings vir die graad 9-datavaslegging voorberei. OBOS-assesseringskoördineerders sal vergaderings gedurende Augustus en September hou waartydens die CD aan elke skool oorhandig word en waar opleiding oor die gebruik van die CD gegee sal word.
|
| 6.2 |
'n CD of 'n kopie op 'n flitsskyf, saam met 'n harde kopie van die voltooide rekordblaaie en skedule, - soos verskaf op die meester-CD - moet aan die kringbestuurder voorgelê word wat die graad 9-skedule aan die einde van die jaar sal onderteken. Harde kopieë en elektroniese kopieë van hierdie inligting moet in die skoolargiewe bewaar word.
|
| 6.3 |
Hierdie proses moet betyds voltooi word om gereed te wees vir die besoeke van die kringbestuurder wat die finale skedule sal onderteken.
|
| 6.4 |
Prinsipale moet daarop let dat die Excel-datablaaie nie die promosieskedule vervang nie. Laasgenoemde moet per hand of elektronies voltooi word op die gewone wyse vir voorlegging aan die multifunksionele span van die OBOS.
|
| 6.5 |
Aangeheg tot hierdie minuut is die name en kontakbesonderhede van die OBOS-assesseringskoördineerders en eksamenpersoneel van die Hoofkantoor (Bylae A) wat om hulp en ondersteuning genader kan word.
|
| 7. |
Die OBOS'e sal die modereringsproses bestuur volgens hulle geadverteerde datumskedules. Alle AAT's wat reeds voltooi en geassesseer is voor die geskeduleerde modereringsdatums moet na die modereringsklusters saamgebring word.
|
| 8. |
Skole word hiermee uitgenooi om op die AAT kommentaar te lewer. Kommentaar wat gebaseer is op vrae aangeheg aan hierdie minuut (Bylae C) kan ge-e-pos word aan hevanzyl@pgwc.gov.za of kan gefaks word aan mev H van Zyl by 021 467 2258.
|
| 9. |
Skole word versoek om die inhoud van hierdie kurrikulumminuut onder die aandag te bring van alle betrokkenes sodat onderwysers, leerders en ouers bewus sal wees van die AAT's wat in die vierde kwartaal afgehandel sal word.
|
| 10. |
U samewerking in hierdie verband sal gewaardeer word.
|
GETEKEN: M. CAMERON
HOOF: ONDERWYS
DATUM: 2007:08:12
|