1. Die Wes-Kaap Onderwysdepartement het sekere skole geïdentifiseer om fokusskole te wees, 'n inisiatief met die oogmerk om toegang tot uitmuntendheid in verskeie opvoedkundige velde te voorsien.
2. Die skole moet uitnemendheid verseker deur leerders te begelei en omvattende ontwikkeling te bied aan leerders met talent, belangstelling of vermoë. Die fokusskole dien as koersbepalers en leierinrigtings in hulle opvoedkundige velde. Daarbenewens moet fokusskole jongmense voorsien van die gesindhede, sosiale en intellektuele vaardighede vir nasiebou en ekonomiese ontwikkeling.
3. Die bepaalde oogmerke van die projek is die volgende:
  • Verhoging van die toegang en deelname van leerders, veral voorheen benadeelde leerders, in die Verdere Onderwys en Opleiding- (VOO-) band
  • Vermeerdering van die aantal VOO-leerders wat kwalifiseer om toegang te verkry tot hoër onderwys
  • Bemagtiging van mense deur hulle toe te rus met vaardighede wat in die arbeidsmark benodig word
  • Ontwikkeling van rolmodelle vir die jeug
4. Die lys skole is hierby aangeheg en skole word uitgenooi om met mnr Eldrid Petersen by elpeters@pgwc.gov.za of met mnr Wayne Lawrence by walawren@pgwc.gov.za te skakel. Meer inligting kan verkry word van die webblad: http://curriculum.pgwc.gov.za.


GETEKEN: M. CAMERON
HOOF: ONDERWYS
DATUM: 2007:08:07

Lys van Fokusskole  (grootte: 12 KB)