1. Die Wes-Kaap Onderwysdepartement maak graag die uitslae wat skole in die OBOS vir elke vraestel in die provinsie behaal het, aan die direkteur van elke OBOS bekend.
2. Hierdie inligting is vertroulik en moet aan kurrikulumadviseurs volgens hulle vakke voorsien word. Die statistiek wat gegee is, dui die provinsiale gemiddeld vir elke vraag aan, asook die provinsiale gemiddeld vir die vraestel as geheel.
3. Kurrikulumadviseurs moet hierdie statistiek bestudeer, want dit behels die OBOS se algehele prestasie per vraestel in verhouding met die prestasie van die provinsie as geheel, sowel as die prestasie van alle skole in die OBOS wat die bepaalde vraestel geskryf het.
4. Hierdie data en die algehele statistiek wat aan die OBOS'e voorsien is, asook die data wat die DASS- en eksamenpunte per vak vergelyk, moet gebruik word om spesifieke intervensies te beplan wat die aanbieding van elke vak sal verbeter.
5. Daar word gehoop dat hierdie statistiek die OBOS sal help om te verseker dat alle skole hulle prestasie in die Senior Sertifikaat-eksamen sal verbeter.


GETEKEN: J.P. RAULT-SMITH
HOOF: ONDERWYS
DATUM: 2007:01:11


"Die dokumente waarna daar verwys word as aanhangsels by die minuut is nie by hierdie e-pos aangeheg nie, maar is beskikbaar as drukstukke en sal binnekort gepos word.
'n Voorbeeld van die tipe statistiek wat in die minuut genoem word, is as 'n PDF-lêer aangeheg."
Vraagontleding - November 2006  (grootte: 66 KB)