| 1. |
Die Wes-Kaap Onderwysdepartement (WKOD) is verbind tot onderwys van gehalte vir alle leerders. Onderwysers, ouers en versorgers speel almal 'n belangrike rol met die ondersteuning van leerders om hierdie doel te bereik.
|
| 2. |
Huiswerk vorm deel van onderrig en leer en, ter ondersteuning hiervan het die WKOD in Augustus 2005 Huiswerkriglyne gepubliseer.
|
| 3. |
Huiswerk vereis versigtige beplanning en ondersteuning van prinsipale, onderwysers, ouers en leerders. Doeltreffende bestuur van huiswerk wat vergesel word van deeglike beplanning, leiding en kontrole deur al die partye betrokke sal verseker dat huiswerk geen las word nie.
|
| 4. |
Die WKOD het 'n pamflet opgestel wat aan ouers leiding verskaf oor hoe om hulle kinders met hulle huiswerk te ondersteun.
|
| 5. |
Skole in Kwintiele 1 - 4, wat graad 1 - 3 aanbied, sal hierdie pamflette in Afrikaans, Engels en Xhosa ontvang. Prinsipale word versoek om hierdie pamflette onder ouers te versprei.
|
| 6. |
Skoolbestuurspanne en skoolbeheerliggame moet van hierdie geleentheid gebruik maak om met ouers te bespreek hoe belangrik dit is dat hulle hulle kinders met hulle huiswerk sal ondersteun.
|
GETEKEN: M. CAMERON
HOOF: ONDERWYS
DATUM: 2007:07:18
|