1. Leeruitkoms 3 van Ekonomiese en Bestuurswetenskappe fokus sterk op Rekeningkundekennis en vaardighede, wat noodsaaklik is vir leerders wat graag Rekeningkunde in die VOO-band wil aanbied.
2. Die Wes-Kaap Onderwysdepartement het Rekeningkunde: Voorbereiding vir graad 10, as bronmateriaal en werkboeke vir leerders ontwikkel, met die oog op die hantering van Leeruitkoms 3 van Ekonomiese en Bestuurswetenskappe.
3. Die bronne is geloods in die Besigheids-, Handel- en Bestuursfokusskole in 2006, en met graad 8 en 9 Ekonomiese en Bestuurswetenskap-onderwysers in Januarie 2007. Die reaksie van onderwysers sowel as leerders was baie positief en bemoedigend.
4. Die materiaal kan op die volgende maniere benut word:
4.1 As bron vir die onderwys, leer en assessering van Leeruitkoms 3 in Ekonomiese en Bestuurswetenskappe in graad 8 en 9.
4.2 As 'n oorbruggingsprogram aan die einde van graad 9, na die AAT's voltooi is, in voorbereiding vir graad 10 vir die leerders wat Rekeningkunde in graad 10 gaan doen in die volgende akademiese jaar.
5. Die handleiding en die werkboek is beskikbaar op die WKOD se kurrikulumwebtuiste, http://curriculum.pgwc.gov.za.
6. Die WKOD vertrou dat die materiaal die onderrig van Ekonomiese en Bestuurswetenskappe in graad 9 baie sal bevorder.
7. Prinsipale word versoek om die inhoud van hierdie minuut onder die aandag van al die betrokke onderwysers te bring.
8. Navrae kan gerig word aan die kurrikulumadviseurs vir Ekonomiese en Bestuurswetenskappe en Rekeningkunde by die onderskeie OBOS'e.


GETEKEN: M. CAMERON
HOOF: ONDERWYS
DATUM: 2007:07:12