| 1. |
Leerders moet deur middel van loopbaanvoorligting gehelp word met hulle vakkeuses vir Verdere Onderwys en Opleiding (VOO). Die loopbaanvoorligting wat aangebied word, moet van toepassing wees op die ouderdomsgroep van die leerders en moet skakel met loopbaanprosesse wat reeds in die skole geïmplementeer is.
|
| 2. |
Lewensoriëntering, een van die agt leerareas in die Algemene Onderwys en Opleidingsband (AOO) en 'n fundamentele vak in die VOO-band, fokus spesifiek op
- Oriëntering tot die Wêreld van Werk (AOO)
- Beroepe en Beroepskeuses (VOO)
Hierdie fokusareas verseker dat die leerders in staat sal wees om die kennis, vaardighede en waardes te demonstreer wat in hierdie leeruitkomste vervat is.
|
| 3. |
Alle onderwysers moet opgelei word om selfversekerd en bevoeg te raak in die loopbaanvoorligting wat hulle aan leerders bied.
|
| 4. |
Skole moet ook ondersteun word met die stroming van graad 7-leerders in die betrokke fokusskole, sodat die leerdersamestelling van die fokusskool die etos van die bepaalde fokusskool weerspieël.
|
| 5. |
Opleidingskursusse vir die PACE Wêreld van Werk-program sal aangebied word vir
|
| 5.1 |
onderwysers van Lewensoriëntering in graad 7 by voederskole vir fokusskole en
|
| 5.2 |
onderwysers van Lewensoriëntering in graad 9 wat nog nie vantevore opleiding in hierdie program ontvang het nie.
|
| 6. |
'n Opleidingskursus sal ook in die PACE Adviseer en Verwys-program aangebied word vir onderwysers van Lewensoriëntering in graad 10 en 11 wat nie vantevore opleiding in hierdie program gehad het nie.
|
| 7. |
EEN onderwyser per skool word uitgenooi om elk van hierdie opleidingsessies by te woon.
|
| 8. |
Die opleidingsessies sal soos volg gereël word:
1 September 2007: onderwysers van Lewensoriëntering in graad 7
15 September 2007: onderwysers van Lewensoriëntering in graad 9
5-7 Des. 2007: onderwysers van Lewensoriëntering in graad 10 en 11
|
| 9. |
Die opleidingsessies sal plaasvind by die Sentrum vir e-Innovasie (C-eI) by die Kaapse Onderwysinstituut te Nooiensfonteinweg in Kuilsrivier. Die kursusse sal stiptelik om 8:30 begin en om 16:00 eindig.
|
| 10. |
Onderwysers van landelike OBOS'e sal vergoed word vir reisonkoste. Onderwysers wat beplan om hierdie uitgawes terug te eis, moet die volgende inligting by die kursus beskikbaar hê:
- PERSAL-nommer
- Enjinkapasiteit van die voertuig en die jaar van die fabrikaat
- Afstand in kilometer van die skool na die opleidingsentrum
|
| 11. |
Onderwysers van landelike OBOS'e wat akkommodasie benodig, moet hulle eie reëlings tref. Hierdie opvoeders moet hulle eise op die laaste dag van die kursus indien.
|
| 12. |
Prinsipale word versoek om die ingevulde registrasievorm, aangeheg as Bylae A, teen nie later nie as 31 Julie 2007 in te dien by die Kurrikulumbeplanner vir Lewensoriëntering, me DJ Christiaans, by faksnommer 021 467 2258. Daar moet by hierdie sperdatum gehou word aangesien die lokaal slegs ruimte het vir 'n beperkte aantal opvoeders.
|
| 13. |
Prinsipale word herinner dat bywoning van hierdie kursusse in ag geneem kan word wanneer onderwysers se GGBS-assessering gedoen word.
|
| 14. |
Prinsipale word versoek om die inhoud van hierdie minuut onder die aandag van alle betrokke Lewensoriënteringsonderwysers te bring.
|
| 15. |
Skakel asseblief met mev D Christiaans, Senior Kurrikulumbeplanner vir Lewensoriëntering (VOO) by tel. 021 467 2589 of e-pos: dchristi@pgwc.gov.za vir meer inligting.
|
GETEKEN: M.J. CAMERON
HOOF: ONDERWYS
DATUM: 2007:07:08
|