| 1. |
Die nasionale Departement van Onderwys het homself verbind tot deelname aan en koördinering in skole in 2007 van die nasionale herdenking van gebeure van historiese belang, soos bepaal deur die President in sy Verklaring van 8 Januarie 2007.
|
| 2. |
Hierdie veldtog gee aan Suid-Afrikaners die geleentheid om, op 'n verskeidenheid maniere en geleenthede, die vooruitgang wat ons as 'n nasie gemaak het met die bou van 'n beter en meer verenigde Suid-Afrika en die versterking van ons demokrasie, te vier en te herdenk. Die herdenking van belangrike nasionale en internasionale dae in onderwys is 'n belangrike aspek van die stryd teen die vergetelheid. Die herdenking van belangrike historiese gebeurtenisse en die lewens van belangrike individue wat heelwat bygedra het tot die vorming van ons demokrasie, en onderrig oor hierdie individue in ons klaskamers, is belangrike aspekte van ons strategie in hierdie verband.
|
| 3. |
Die belangrike historiese gebeurtenisse wat herdenk word, is die volgende:
|
| 3.1 |
Die negentigste herdenking van die ondergang van die SS Mendi op 21 Februarie 1917
|
| 3.2 |
Die aanvaarding van die Wet op die Afskaffing van die Slawehandel (in die Britse Parlement) op 25 Maart 1807
|
| 3.3 |
Die sestigste herdenking van die Drie Dokters se Ooreenkoms, soos onderteken op 9 Maart 1947, deur dr AB Xuma, dr GM Naicker en dr YM Dadoo, wat op daardie stadium Presidente was van die African National Congress, die Natal Indian Congress en die Transvaal Indian Congress onderskeidelik.
|
| 3.4 |
Die twintigste herdenking van die vergadering in Dakar, Senegal, van 9-12 Julie 1987, tussen lede van die African National Congress en 'n afvaardiging van vooraanstaande Afrikaner-denkers, -skrywers en meningsvormers
|
| 3.5 |
Die dood van die ANC-president en ontvanger van die Nobel-vredesprys, Nkosi Albert Luthuli op 21 Julie 1967
|
| 3.6 |
Die dood van Steve Bantu Biko op 12 September 1977
|
| 3.7 |
Die negentigste herdenking van die geboorte van Oliver Reginald Tambo op 27 Oktober 1917
|
| 3.8 |
Die vyftigste herdenking van die Alexandra-busboikot
|
| 3.9 |
Die vyfde herdenking van die stigting van die Afrika-unie op 9 Julie 2002 in Durban
|
| 3.10 |
Die vyfde herdenking van die Wêreldspitsberaad oor Volhoubare Ontwikkeling wat op 2-4 September 2002 in Johannesburg gehou is
|
| 3.11 |
Die dood van Robert Mangaliso Sobukwe op 27 Februarie 1978
|
| 4. |
Die belangrikste nasionale geleenthede wat die nasionale Departement rondom hierdie herdenkings sal reël, is die volgende:
|
| 4.1 |
Die Nkosi Albert Luthuli Jong Geskiedkundiges-kompetisie wat op die veertigste herdenking van die dood van Nkosi Albert Luthuli gehou sal word en waarvoor die nasionale eindrondtes aan die einde van September 2007 sal plaasvind
|
| 4.2 |
Die Nasionale Taalfees en 'n Nasionale Konsert wat gekombineer sal word en van 9 - 11 Augustus 2007 gehou sal word. (Ingesluit by die program is 'n intergenerasie-satellietdialoog tussen leerders vanoor die hele kontinent.)
|
| 4.3 |
Suid-Afrikaanse komponiste sal opdrag kry van die nasionale Departement om koormusiek te skryf wat temas van hierdie jaar se herdenkings uitlig, om op die laaste dag van die nasionale Skoolkoor-eisteddfod (5 Augustus 2007) by The Dome in Johannesburg uitgevoer te word.
|
| 4.4 |
Die nasionale Departement sal in samewerking met IZIKO-museums 'n uitstalling reël oor die geskiedenis van slawerny en die afskaffing van slawehandel.
|
| 4.5 |
Die nasionale Departement van Onderwys sal in September 2007, in samewerking met betrokke partye, 'n uitstalling hou in Sol Plaatje-huis te Schoemanstraat 123 in Pretoria waar die dood van Steve Bantu Biko herdenk sal word.
|
| 5. |
Die nasionale Departement van Onderwys sal 'n boekie by skole versprei wat op hierdie geskiedkundige gebeurtenisse fokus. Breedvoerige uiteensettings sal gegee word van die belangrikheid van elke gebeurtenis, met betrokke bronne en voorstelle vir aktiwiteite vir die klaskamer en skool. Klaskameraktiwiteite moet op so 'n wyse ontwerp word dat hulle deel vorm van die kurrikulum en moet nie as addisionele aktiwiteite beskou word nie. Die boekie sal teen die einde van die tweede kwartaal by skole versprei word.
|
| 6. |
Aktiwiteite kan op verskeie vlakke gemik word. Onderwysers kan byvoorbeeld klaskameraktiwiteite beplan wat kurrikulumgebaseer is, terwyl senior bestuurspanne aktiwiteite kan beplan wat die hele skool, insluitend skoolbeheerliggame en plaaslike gemeenskappe, kan betrek.
|
| 7. |
Alle skole word aangemoedig om gedurende 2007 deel te neem aan die herdenking van die belangrike geskiedkundige gebeurtenisse, terwyl hulle steeds Suid-Afrika se nasionale en belangrike internasionale dae herdenk.
|
GETEKEN: M. CAMERON
HOOF: ONDERWYS
DATUM: 2007:08:15
|