1. In Kurrikulumontwikkelingminuut 104/2006 is skole versoek om hulle finale graad 10-uitslae vir 2006 in te dien. 'n Bylae (Bylae A) is hiervoor aangeheg by die minuut.
2. Die WKOD benodig al die graad 10-data ten einde behoorlike beplanning te doen om gefokusde ondersteuning aan graad 10-leerders te bied. Ongelukkig het 'n aantal skole nie hulle uitslae ingedien nie. Die name van hierdie skole sal aan die direkteure van die OBOS'e verskaf word, en die direkteure word versoek om te verseker dat die uitslae wel ingedien word.
3. Prinsipale word versoek om te verwys na Kurrikulumontwikkelingminuut 104/2006 vir die toepaslike Bylae A. Hulle moet asseblief seker maak dat die naam van die skool en die betrokke OBOS op al die ingediende blaaie verskyn. Die blaaie moet gefaks word na 021 467 2258 EN ge-e-pos word na hevanzyl@pgwc.gov.za. Dit moet ook aan die OBOS-direkteur ge-e-pos en gefaks word.
4. U samewerking in hierdie verband sal die WKOD help om 'n verskil te maak aan die lewens van graad 10-leerders en -onderwysers.


GETEKEN: J.P. RAULT-SMITH
HOOF: ONDERWYS
DATUM: 2007:07:05