| 1. |
'n Wes-Kaap Onderwysdepartement-laboratoriumhandleiding gaan aan alle skole voorsien word. Dit moet permanent in die Fisiese Wetenskappe- (of Natuurwetenskappe-laboratorium) bewaar word op 'n plek waar dit maklik toeganklik is en maklik gesien kan word.
|
| 2. |
Die doel van die laboratoriumhandleiding is om skole te help om die WKOD se doelwit van veiligheid in skoolwetenskap te bereik deur inligting te verskaf oor die beperkte chemikalieë waarna verwys word in die WKOD-beleid en -protokol ten opsigte van Veiligheid in Skoolwetenskap. Die laboratoriumhandleiding moet dus beskou word as 'n integrale deel van die WKOD-beleid en -protokol ten opsigte van Veiligheid in Skoolwetenskap, wat alreeds na skole gestuur is. (Sien Omsendbrief 0022/2004)
|
| 3. |
Die laboratoriumhandleiding is die eiendom van die WKOD en mag nie van die laboratorium of skoolgronde verwyder word nie.
|
| 4. |
Addisionele kopieë van die laboratoriumhandleiding kan van EduMedia aangekoop word. Die kontakbesonderhede is as volg:
Telefoon: 021 689 9536
Faksnommer: 021 685 7421
E-posadres edumedia@pgwc.gov.za
Straatadres: Edumedia, Stasieweg 3, Mowbray, 7705.
|
| 5. |
Indien u enige verdere navrae het oor die handleiding, skakel asseblief mnr Don Francis by een van die volgende:
Telefoon: 021 467 2581
Faksnommer: 021 467 2258
E-posadres: dfrancis@pgwc.gov.za
|
| 6. |
Die WKOD vertrou dat hierdie laboratoriumhandleiding daartoe sal bydra dat behoorlike veiligheidsmaatreëls te alle tye in wetenskap-laboratoriums getref sal word.
|
GETEKEN: M.J. CAMERON
HOOF: ONDERWYS
DATUM: 2007:07:18
|