| 1. |
Die Wes-Kaap Onderwysdepartement is verbind daartoe om seker te maak dat alle leerders doeltreffende loopbaanvoorligting ontvang sodat hulle in staat is om geskikte vakkeuses vir graad 10 en toepaslike loopbaankeuses vir graad 12 te maak. Alle leerders moet dus blootgestel word aan 'n wye verskeidenheid van die mees onlangse inligting oor loopbaanmoontlikhede en -ontwikkelings in Suid-Afrika.
|
| 2. |
Die PACE World of Work 2007 CD-ROM sal gedurende die tweede kwartaal van 2007 aan alle hoërskole in die Wes-Kaap gepos word. Dit is 'n bygewerkte weergawe van die vorige PACE World of Work CD-ROM en bevat meer onlangse inligting oor die Suid-Afrikaanse ekonomie, studie- en werksgeleenthede en beurse.
|
| 3. |
Lewensoriëntering-onderwysers moet seker maak dat die inligting op hierdie CD aan alle hoërskoolleerders oorgedra word.
|
| 4. |
Indien daar Lewensoriëntering-onderwysers of ander onderwysers is wat bykomende opleiding in die gebruik van die CD, of algemene inligting oor of ondersteuning met loopbaanvoorligting benodig, skakel asseblief met die Senior Kurrikulumbeplanner vir Lewensoriëntering, mev D. Christiaans, by telefoonnommer 021 467 2589 of per e-pos by dchristi@pgwc.gov.za.
|
| 5. |
Bring asseblief die inhoud van hierdie minuut onder die aandag van alle Lewensoriëntering-onderwysers.
|
GETEKEN: J.P. RAULT-SMITH
HOOF: ONDERWYS
DATUM: 2007:06:15
|