1. Die Wes-Kaap Onderwysdepartement (WKOD) is verbind daartoe om seker te maak dat leerders al die inligting verkry wat beskikbaar is aangaande loopbane en loopbaanmoontlikhede.
2. In die Vakassesseringsriglyne (VAR) van Januarie 2007 word Lewensoriëntering-onderwysers ten sterkste aangemoedig om leerders toegang te gee, waar moontlik, aan Sertifikaattake wat 'n direkte bydrae kan lewer tot 'n leerder se vermoë om te leer en geld te verdien.
3. 'n Leerlingbestuurderslisensie word al hoe meer 'n vereiste vir indiensneming en sal van waarde wees op 'n leerder se Curriculum Vitae.
4. Mnr Johan Schronen het die inisiatief geneem om werkswinkels oor leerlingbestuurderslisensies aan veral voorheen benadeelde skole in die Wes-Kaap aan te bied.
5. Skole word uitgenooi om met mnr Schronen te skakel by 082 299 0689 of per e-pos by schronen@trafficsigns.co.za vir meer inligting. Meer inligting kan verkry word van die webblad: http://www.k53test.co.za.
6. Prinsipale word versoek om hierdie minuut onder die aandag van die Lewensoriëntering-onderwysers te bring.



GETEKEN: J.P. RAULT-SMITH
HOOF: ONDERWYS
DATUM: 2007:06:14