| 1. |
Lewensoriëntering, 'n fundamentel vak wat in die VOO-band aangebied word en waaraan alle leerders in graad 10 tot 12 blootgestel word, het vier fokusareas, naamlik Persoonlike Welstand Burgerskapopvoeding, Rekreasie en Fikiese Welstand, en Beroepe en Beroepskeuses.
|
| 2. |
'n Driedag- opleidings- en heropleidingskursus in die fokusarea Persoonlike Welstand sal op 25, 26 en 27 September 2007 in die onderskeie OBOS'e aangebied word. Die kursus sal op al drie opleidingsdae soggens stiptelik om 08:30 begin en om 16:00 in die namiddag ten einde loop.
|
| 3. |
Die kursus in Persoonlike Welstand genaamd Die Keuses van Vandag, wat in 2005 en 2006 aangebied is, is opgegradeer vir graad 10 en 11 en die materiaal vir graad 12 is nou ingesluit. Dit sal beide 'n papiergebaseerde en CD-ROM-toepassing hê en alle skole sal 'n elektroniese weergawe, 'n onderwysershandleiding en 'n leerderboek ontvang.
|
| 4. |
Twee Lewensoriëntering-onderwysers vir graad 10-12 per skool mag hierdie opleiding bywoon, ongeag of hulle dit vantevore bygewoon het of nie.
|
| 5. |
Onderwysers uit landelike gebiede sal vergoed word vir reisonkoste. Onderwysers wat beplan om hierdie uitgawes terug te eis, moet die volgende inligting by die kursus beskikbaar hê:
- PERSAL-nommer
- Enjinkapasiteit van die voertuig en die jaar van die fabrikaat
- Afstand in kilometer van die skool na die opleidingsentrum
|
| 6. |
Onderwysers van landelike OBOS'e wat akkommodasie benodig, moet hulle eie reëlings tref. Geskikte bed-en-ontbytakkommodasie word aanbeveel. Hierdie opvoeders moet hulle eise op die laaste dag van die kursus indien.
|
| 7. |
Prinsipale word versoek om die ingevulde registrasievorm teen nie later nie as 31 Julie 2007 in te dien by die Lewensoriëntering-kurrikulumadviseur verbonde aan hulle OBOS. Sien Bylae A, B en C. Dui asseblief die opleidingsentrum van u keuse op die vorm aan.
|
| 8. |
Prinsipale kan met mev D Christiaans by Hoofkantoor skakel by telefoonnommer 021 467 2589, faksnommer 021 467 2258 of e-pos: dchristi@pgwc.gov.za vir meer inligting.
|
| 9. |
Prinsipale word herinner dat bywoning van hierdie kursusse in ag geneem kan word wanneer onderwysers se GGBS-assessering gedoen word.
|
| 10. |
Die kursus is ontwerp om onderwysers in hulle voorbereiding vir en onderrig van die Persoonlike Welsyn-fokusarea van Lewensoriëntering te ondersteun. Dit is dus tot hulle voordeel om die kursus by te woon, en die ondersteuning van prinsipale as leiers op die gebeid van kurrikulum in die skool word opreg waardeer.
|
GETEKEN: J.P. RAULT-SMITH
HOOF: ONDERWYS
DATUM: 2007:06:08
|