1. Hierdie Kurrikulumminuut verskaf duidelikheid oor die getal Wiskunde-vraestelle, ingevolge die Nasionale Kurrikulumverklaring se voorskrifte vir graad 10 tot 12 vir die periode 2007 tot 2010
2. Die Nasionale Senior Sertifikaat-eksamen in Wiskunde sal bestaan uit twee verpligte vraestelle, nl. Vraestel 1 en Vraestel 2. Vraestel 3 is 'n opsionele vraestel waarin Opsionele Assesseringstandaarde van Wiskunde geëksamineer word.
3. Vraestel 3 sal nie tel vir sertifisering van Nasionale Senior Sertifikaat-eksamens nie. Kandidate se prestasie in Wiskunde sal bepaal word slegs deur Vraestelle 1 en 2. Kandidate se uitslae vir Vraestel 3 sal op 'n afsonderlike uitslagstaat uitgegee word. Inrigtings vir hoër onderwys mag hierdie staat gebruik wanneer daar besluite geneem moet word aangaande toelating tot sekere fakulteite en programme.
4. Vraestel 3 sal opsioneel bly vir graad 12-kandidate vanaf 2008 tot 2010. Daar word voorsien dat hierdie vraestel na 2010 verpligtend kan word. Onderwysers word aangemoedig om voor te berei vir die onderrig van daardie aspekte van Wiskunde wat in Vraestel 3 geëksamineer word
5. Verwys asseblief na Bylae 2 in die Vakassesseringsriglyn (Januarie 2007) vir die Opsionele Assesseringstandaarde.
6. U word vriendelik versoek om hierdie kenisgewing onder die aandag te bring van alle Wiskunde-onderwysers vir graad 10 tot 12, sowel as die leerders in daardie grade.


GETEKEN: J.P. RAULT-SMITH
HOOF: ONDERWYS
DATUM: 2007:06:11

Bylae 2: OPTIONAL MATHEMATICS ASSESSMENT STANDARDS FOR EXAMINATION IN GRADE 12 IN 2008, 2009 and 2010  (grootte: 314 KB)