1. Die Kaapstadse Boekeskou (KSBS) word van 16 tot 19 Junie 2007 in die Kaapstad Internasionale Konvensiesentrum gehou. Meer as 300 geleenthede, insluitende voorlesings, boekbekendstellings, paneelbesprekings en seminare sal gedurende die skou plaasvind
2. Die skou sal 'n spesiale kindersone hê, genaamd Once Upon a Time, waar storiekringe, demonstrasies, speletjies en uitstallings van kinderboeke gehou sal word. Die kinders se program sal klem lê op lees vir plesier en die stimulering van 'n liefde vir boeke. Die program sal items insluit in Afrikaans, Engels en Xhosa. 'n Program met die oog op onderwysers is vir 18 en 19 Junie 2007 gereël. Skole is welkom om klasbesoeke aan die skou te bespreek.
3. Die skou sal daagliks van 09:00 tot 17:00, van Saterdag, 16 Junie tot Dinsdag, 19 Junie oop wees. Die toegangsfooi is R30.00 vir volwassenes en R10.00 vir pensioenarisse. Kinders wat deur 'n volwassene vergesel word, se toegang is egter gratis.
4. Meer inligting oor die skou is aangeheg. Besonderhede oor bepaalde geleenthede sal in die media verskyn en word ook op die volgende webtuiste gegee: http://www.capetownbookfair.com. Skakel asseblief met Juliet van Niekerk by die boekeskoukantoor vir meer inligting, of skakel 021 418 5493.
5. Prinsipale word aangemoedig om hierdie geleentheid te gebruik om geletterdheid te bevorder deur lede van hulle skole en gemeenskappe aan te moedig om die skou by te woon. Dit is 'n uitstekende geleentheid om aandag te vestig op lees as die grondslag van leer.


GETEKEN: J.P. RAULT-SMITH
HOOF: ONDERWYS
DATUM: 2007:06:04

Inligting oor boekeskou  (grootte: 482 KB)