1. Monitering van die gehalte van onderwys in onafhanklike skole
1.1 Daar word van onafhanklike skole wat by die Onderwysdepartement geregistreer is, verwag om, ingevolge die Wysigingswet op Onderwyswette, onderwys van sodanige gehalte aan te bied dat dit ten minste gelyk is aan wat in openbare skole aangebied word.
1.2 OBOS'e moet die gehalte van onderwys wat aangebied word, monitor en seker maak dat onafhanklike skole die Nasionale Kurrikulumverklaring aanbied, tensy die skool as 'n skool vir buitelandse leerders geregistreer is.
1.3 Sodanige monitering moet op gereelde tussenposes plaasvind, gebaseer op die bevindings gedurende sodanige besoeke.
1.4 Monitering van die kurrikulum en die gehalte van die onderwys moet nie 'n las op die skole plaas nie en moet plaasvind na geskrewe kommunikasie met die prinsipaal met opgaaf van volle redes vir die besoek en met 'n aanduiding van die dokumentasie en interaksie wat nodig sal wees.
1.5 Aangesien die WKOD nie volle kurrikulumondersteuning aan onafhanklike skole bied nie, kan onderwysers by hierdie skole nie gedwing word om vergaderings vir ontwikkeling en klusterondersteuning by te woon nie.
2. Assessering vir kwalifikasies in onafhanklike skole
2.1 Umalusi vereis dat assesseringsliggame die skoolgebaseerde assessering modereer van alle leerders wat 'n kwalifikasie aanbied wat deur Umalusi toegeken word. Let asseblief daarop dat die Nasionale Senior Sertifikaat van graad 10 tot 12 oor 'n driejaarperiode aangebied word.
2.2 Klousule 94 van die Nasionale beleid oor assessering en kwalifikasies vir skole in die Algemene Onderwys-en-opleidingsband vereis dat alle geakkrediteerde eksaminerende liggame assesseringsvereistes ingevolge die provinsies van Umalusi sal nakom. Daarom, tensy 'n onafhanklike skool geregistreer is by die Onafhanklike Eksamenraad (OER) vir graad 9-assessering, moet die skool die Algemene Assesseringstake (AAT's) aanbied, soos verskaf deur die WKOD, en onderwysers moet bewys van leeraksie vir moderering. Aanbied. Skole moet die OBOS-direkteur en die Direkteur: Kurrikulumontwikkeling in kennis stel indien hulle die OER se graad 9-assesseringstake aanbied.
2.3 Waar aan 'n onafhanklike skool "Vyfjaar volle akkreditasie" deur Umalusie toegeken is, kan onderwysers by die skool nie gedwing word om die standaardvasstellingsvergadering by te woon nie, maar kan hulle self verantwoordelikheid neem vir die stel van standaarde.
2.4 Aangesien die WKOD nie direkte kurrikulumondersteuning bied aan onafhanklike skole nie, tensy sodanige ondersteuning skriftelik versoek word, kan onafhanklike skole nie gedwing word om die tweede modereringsvergadering van die jaar, wat 'n ontwikkelingsaard het en bedoel is om ondersteuning aan onderwysers te bied, by te woon nie.
2.5 Alle onafhanklike skole moet die finale modereringsessie van die jaar vir graad 9, 10, 11 en 12 bywoon indien hulle nie OER-eksamens op graad 9- en/of graad 12-vlak skryf nie.
2.6 Modereringsessies moet plaasvind op 'n tyd wat nie die skoolprosesse sal versteur nie. Oorweging moet geskenk word aan die hou van modereringsessies gedurende die afneem van die eksamen wanneer plaasvervangers in die plek van onderwysers toesig kan hou, terwyl laasgenoemde 'n modereringsessie bywoon. Indien 'n prinsipaal sou voel dat die tyd wat vir 'n modereringsessie vasgestel is, onredelik is. moet die OBOS-direkteur skriftelik in kennis gestel word.
2.7 Indien 'n onderwyser van 'n onafhanklike skool nalaat om 'n finale modereringsessie by te woon, moet die Direkteur of die Hoofkurrikulumadviseur die prinsipaal skriftelik hieromtrent inlig en moet alternatiewe reëlings vir moderering getref word.
3. Onafhanklike skole en nasionale eksamens
3.1 Onafhanklike skole wat nie geregistreer is om die graad 9 AAT's en /of die (Nasionale) senior Sertifikaat van die Onafhanklike Eksamenraad te skryf nie moet alle voorgeskrewe skoolgebaseerde take voltooi en alle vereiste eksamens aflê.
3.2 Onafhanklike skole is nie verplig om eksamens te skryf wat bedoel is om die standaard vir openbare skole te stel, soos in die geval van die 2007 graad 11-eksamens nie.


GETEKEN: J.P. RAULT-SMITH
HOOF: ONDERWYS
DATUM: 2007:06:08