| 1. |
Entrepreneurskap in NKV
|
| 1.1 |
Die ontwikkelingsuitkomste van die Nasionale Kurrikulumverklaring (NKV) en die leeruitkomste vir Ekonomiese en Bestuurswetenskappe en Besigheidstudies in besonder, fokus sterk op entrepreneurskap en verskaf aan leerders die geleentheid om noodsaaklike entrepreneurskennis en -vaardighede te bekom.
|
| 1.2 |
Die assesseringstandaarde vir Ekonomiese en Bestuurswetenskappe en Besigheidstudies gee ook aan leerders die geleentheid om praktiese ervaring van sakeondernemings op te doen.
|
| 2.1 |
Die Wes-Kaap Onderwysdepartement het My Besigheid - riglyne vir onderwysers en werkboeke vir leerders met die oog op die besondere leeruitkomste en assesseringstandaarde soos vereis deur die nuwe kurrikulum, saamgestel. Dit stel leerders in staat om die moontlikheid om 'n besigheid te begin - vanaf idee stimulasie tot die stadium waar die onderneming deur leerders bestuur word, te verken. Leerders kan dit individueel of gesamentlik doen.
|
| 2.2 |
Onderwysers word versoek om die kreatiwiteit van leerders te stimuleer sodat leerders met innoverende besigheidsidees, wat produkte en dienste insluit, vorendag kom. Veral inheemse kennis en die uitvoerende kunste behoort in ag geneem word.
|
| 2.3 |
Elke skool sal voorsien word van 'n stel van die My Besigheid-boekies. Die Wes-Kaap Onderwysdepartement het die kopiereg daarop; skole mag dus afskrifte maak soos nodig.
|
| 2.4 |
Die My besigheid-werkboeke kan vir 'n periode van twee jaar; d.w.s. in grade 8 & 9 in Ekonomiese en Bestuurswetenskappe, en grade 10 & 11 in Besigheidstudies gebruik word. Dié werkboeke kan dien as riglyn vir onderwysers en leerders om entrepreneursvaardighede soos vervat in die assesseringstandaarde te bereik.
|
| 3.1 |
Hierdie werkboeke voorsien ook riglyne aan opvoeders wat hulle in staat sal stel om ten minste een sakegeleentheid per jaar bv. 'n markdag soos vereis word vir die Senior Fase en VOO leerders, te organiseer.
|
| 3.2 |
Die WKOD werk tans aan die daarstelling van 'n streekskoolmarkdag wat sal saamval met die Wes-Kaap Kleinsakeweek.
|
| 4.1 |
Die WKOD vertrou dat hierdie inisiatief leerders sal aanmoedig om, wanneer hulle die skool verlaat, sakeondernemings te begin en so werkskepping in die Wes-Kaap te stimuleer en 'n betekenisvolle rol te vertolk in die uitwissing van armoede.
|
| 4.2 |
Prinsipale word versoek om die inhoud van hierdie kurrikulumminuut onder die aandag van al die onderwysers wat die beoogde entrepreneurskapsinisiatiewe ondersteun te bring.
|
| 4.3 |
Navrae kan gerig word aan die kurrikulumadviseurs vir Ekonomiese en Bestuurswetenskappe en Besigheidstudies by die onderskeie OBOS'e.
|
GETEKEN: B.K. SCHREUDER
HOOF: ONDERWYS
DATUM: 2007:06:05
|