1. Omsendbrief 0023/2006 het die nie-amptelike tale wat deur die nasionale Departement van Onderwys goedgekeur is, bekendgestel.
2. Die Onafhanklike Eksamenraad (OER) het aangekondig dat hulle Vakassesseringsriglyne (VAR'e) deur Umalusi goedgekeur is. Hierdie riglyne sal gebruik word by die eksaminering van die nie-amptelike tale.
3. Die VAR'e vir die nie-amptelike tale is op die webblad van die OER beskikbaar en harde kopieë kan direk van die OER gekoop word. Kontak mnr Bongani Mnguni by mnguni@ieb.co.za of tel.011 483 9700.
4. Die OER het aangedui dat hulle vir skole wat die nie-amptelike tale aanbied op 1 Junie in die Wes-Kaap 'n vergadering gaan hou om onderwyers aangaande OER-vereistes in te lig. Besonderhede van die vergadering is soos volg: 
Datum: 1 Junie 2007
Plek: Rustenberg Girls High School, Campgroundweg, Rondebosch.
Tyd: 14:00 - 16:30

Die WKOD sal die vervoerkoste van WKOD-onderwysers wat van buite Kaapstad na die vergadering moet reis, vergoed.
5. Die OER sal die volgende Tweede Addisionele Nie-amptelike Tale eksamineer: 
Arabies        Italiaans
Frans          Latyn 
Duits          Portugees
Hebreeus       Spaans

Die volgende Huistale en eerste Addisionele Tale sal vanaf 2008 nie meer deur die OER geëksamineer word nie. Verdere inligting in hierdie verband sal binnekort volg.

Huistaal			
Goedjarati     Telegu
Hindi          Portugees
Tamil          Urdu

Eerste Addisionele Taal
Telegu
6. Die OER sal Duits Huistaal net in 2008 eksamineer. In 2009 sal Duits Huistaal deel uitmaak van die Arbitur/NSC-kombinasiekwalifikasie en sal dit dus nie deur die OER aangebied word nie.
7. Bring asseblief hierdie inligting onder die aandag van die betrokke onderwyser by u skool.


GETEKEN: J.P. RAULT-SMITH
HOOF: ONDERWYS
DATUM: 2007:05:10