1. |
Kurrikulumontwikkelingminuut 0026/2007 het skole in kennis gestel van die Wes-Kaap Onderwysdepartement (WKOD) se spesiale projek om een handboek per vak vir elke leerder in graad 12 te voorsien, ten einde die implementering van die NKV in graad 12 in 2008 te ondersteun.
|
2. |
Ten einde prinsipale en onderwysers te help om 'n ingeligte keuse te maak wanneer hulle hierdie handboeke kies, sal die WKOD van 28 Mei to 7 Junie 2007 'n tweewekelange rondreisende boekfees hou. Die boekfees, waar alle uitgewers hulle goedgekeure graad 12-handboeke en onderwysersgidse sal uitstal, sal elke OBOS- distrik besoek. Verversings sal beskikbaar wees.
|
3. |
WKOD-kurrikulumamptenare in elk van die vakgebiede sal by die boekfees inligtingsessies van 'n halfuur lank aanbied oor hoe om behoorlik te kies wanneer handboeke geselekteer word. Kurrikulumadviseurs en -beplanners sal beskikbaar wees om prinsipale en onderwysers te help met die seleksie van handboeke. Onderwysers wat hierdie inligtingsessies bywoon, sal 'n geskenk ontvang.
|
4. |
Vervoeronkoste wat deur onderwysers in diens van die WKOD aangegaan is om die boekfees te kan bywoon, sal teen normale staatstariewe vergoed word. Onderwysers van dieselfde skool word versoek om saam te reis (3 per motor, waar moontlik). Eise moet by die WKOD se lokaalbesuurder op die dag van die boekfees ingedien word. Onderwysers word dus versoek om hulle Persal-nommers en die volgende besonderhede in verband met hulle motor by die boekfees te hê: maak model, enjinkapasiteit en odometerlesing.
Onderwysers wat per taxi of openbare vervoer reis moet 'n beëdigde verklaring indien wat deur die prinsipaal onderteken is waarin die Persal-nommer van die onderwyser, die koste (retoer) en die doel van die reis (d.i. om die WKOD se boekfees by te woon) verstrek word.
|
5. |
Die volgende tabel dui die plek, datum en tye van die boekfees in elke OBOS-distrik aan:
OBOS | Datum | Uitstaltye | Plek |
Suid-Kaap / Karoo | Maandag, 28/05 | 13: 00 - 18:00 | Beaufort-Wes Sek. Skool, Beaufort-Wes |
Suid-Kaap / Karoo | Dinsdag, 29/05 | 13: 00 - 18:00 | Outenikwa HS., George |
Breederivier / Overberg | Woensdag, 30/05 | 13: 00 - 18:00 | OBOS-kafeteria, Worcester |
Weskus / Wynlands | Donderdag, 31/05 | 13: 00 - 18:00 | Piketberg HS, Piketberg |
Weskus / Wynlands | Vrydag, 1/06 | 13: 00 - 18:00 | New Orleans Sek. Skool, Paarl |
Noord | Maandag, 4/06 | 13: 00 - 18:00 | OBOS-saal, Timmermanstr, Parow |
Oos | Dinsdag, 5/06 | 13: 00 - 18:00 | De Kuilen Primêre Skool, Kuilsrivier |
Suid | Woensdag, 6/06 | 13: 00 - 18:00 | Ottery Jeugsorgsentrum, Plantationweg, Ottery |
Sentraal | Donderdag, 7/06 | 13: 00 - 18:00 | Kaapstad Onderwysersentrum, Moltenoweg, Claremont |
|
6. |
Rooster van inligtingsessies by elke boekfees:
Tyd | Kamer 1 | Kamer 2 | Kamer 3 | Kamer 4 | Kamer 5 |
14:30 - 15:00 | Wiskunde & Wiskundige Geletterdheid | English (HL & FAL) | Afrikaans (HL, FAL & SAL) | Afrikatale (HL & EAT) | Verbruikers- tudies |
15:00 - 15:30 | Ingenieurs- grafika & -ontwerp | Lewens- oriëntering | Geskiedenis | Lewensweten- skappe | Toerisme |
15:30 - 16:00 | Fisiese Wetenskappe | Gasvryheid- studies | Aardrykskunde | Rekeningkunde | Danstudies, Dramatiese Kunste, Kuns en Musiek |
16:00 - 16:30 | Landbouweten- skap | Rekenaar- tegnologie Inligtings- tegnologie | Meganiese Tegnologie | Ekonomie en Besigheidstudies | Religie Studies |
|
7. |
Handboeke speel 'n toonaangewende rol in behoorlike onderrig en leer. Ten einde te verseker dat geskikte seleksies gedoen word en dat fondse oordeelkundig bestee word, word prinsipale en onderwysers sterk aangemoedig om die boekfees naaste aan hulle skole by te woon. Die ondersteuning van prinsipale sal waardeer word.
|
GETEKEN: J.P. RAULT-SMITH
HOOF: ONDERWYS
DATUM: 2007:05:17
|