1. Die Nasionale Wetenskapweek (NWW) is 'n inisiatief van die Departement van Wetenskap en Tegnologie (DWT), in samewerking met die Departement van Onderwys.
1.1 Die oogmerke van die NWW is om ons jeug se opgewondenheid Wetenskap op 'n baie jong ouderdom aan te wakker en om hulle aan te moedig om 'n belangstelling in die studie van wiskunde en wetenskap te ontwikkel. Hoewel die klem op die jeug val, het dit ook ten doel om 'n bewustheid te skep in daardie sektore van die samelewing wat 'n invloed het op leerders se vak- en loopbaankeuses.
1.2 Die sleuteloogmerke van die NWW is
  • om 'n bewustheid te skep van die belangrike rol wat wetenskap in mense se daaglikse lewens speel;
  • om ons jeug aan te moedig om te studeer en hulle prestasie in wiskunde en wetenskap te verbeter; en
  • om meer jongmense in loopbane in wetenskap, ingenieurswese en tegnologie geïnteresseerd te maak.
1.3 Die tema van die NWW is "Môre se Wetenskap en Tegnologie is in ons Jeug se Hande".
2. Die Wes-Kaap Onderwysdepartement nooi alle skole uit om betrokke te raak by die Nasionale Wetenskapweek deur middel van opvoeders en leerders se deelname aan die geleenthede wat deur die onderskeie wetenskap-diensverskaffers van dwarsoor die provinsie georganiseer is.
2.1 Prinsipale word versoek om met die diensverskaffers te skakel en om deelname van hulle skole te fasiliteer aan die programme wat deur die diensverskaffers naby aan hulle skoolgemeenskappe aangebied word.
2.2 Ten einde 'n breedvoerige program te verkry van die aktiwiteite wat gedurende die NWW aangebied word, kan die diensverskaffers by die onderstaande geskakel word.

Organisasie/
Diensverskaffer		TeikengehoorDiensverskaffer se kontkbesonderhedeTelefoonE-pos/Webadres
MTN Sciencentre
Wes-Kaap		Graad R - 12-leerders, opvoeders, gesinne en algemene publiekJulie Cleverdon Busi Maqubele021 529 8100 083 276 9501julie.cleverdon@mtnsciencentre.org.za
www.mtnsciencentre.org.za
Ithemba LABS
Wes-Kaap		Leerders, opvoeders en algemene publiekRyan Linden Ambrose Yaga021 843 1021 073 727 3141yaga@tlabs.ac.za
www.nac.ac.za
Hermanus Magnetiese
Sterrewag		Graad 3 - 12-leerders en publiekElisa Fraser Gayle Overmeyer028 312 1196 076 524 9098efraser@hmo.ac.za
www.hmo.ac.za
SAA-sterrewag-
ouditorium		Leerders, opvoeders en algemene publiekSivuyile Manxoyi Kevin Govender021 447 0025 021 460 9350 082 487 8466kg@saao.ac.za
www.saao.ac.za
SAASTELeerders, opvoeders en algemene publiekTommy Botha021 467 2559tbotha@pgwc.gov.za
www.curriculum.wcape.school.za
3. Prinsipale word versoek om die inhoud van hierdie minuut onder die aandag van al die betrokke onderwysers te bring.


GETEKEN: J.P. RAULT-SMITH
HOOF: ONDERWYS
DATUM: 2007:05:08