1. Skole met graad 8- en 9-leerders word, ingevolge die Wiskunde, Wetenskap en Tegnologie-strategie, toegerus met sekere Tegnologie-toerusting. Hierdie toerusting sal Tegnologie-onderwysers help met die implementering van die NKV-leerarea: Tegnologie op 'n praktiese en leerdergesentreerde wyse wat die ontwerp proses aandui.

2. Die Tegnologiestel sal teen die einde van April 2007 by skole afgelewer word en bestaan uit die volgende:

  • 2 x sonkrag meganiese apparate

  • 2 x hidrouliese pneumatiese trekskoppe

  • 2 x elektriese dinosourusse

  • 1 x Engelse handleiding

  • 1 x Afrikaanse handleiding
3. By ontvangs van die Tegnologiestel, moet die volgende proses gevolg word:

  • Indien enige items ontbreek, moet die besonderhede van die ontbrekende items binne 3 dae na ontvangs van die stel aan L. Malan gefaks word by 021 467 2620.

  • Die stel moet op die skool se inventaris aangebring word.

  • Die stel bly die skool se eiendom.

  • Die Tegnologiehoof van die skool moet in kennis gestel word dat die stel daar is en moet kennis neem van die inhoud.

  • Die stel moet veilig bewaar word en 'n stelsel moet ingestel word om verliese te minimaliseer.

  • Die stel moet beskikbaar wees vir gebruik deur al die Tegnologie-onderwysers by die skool.

  • Enige verlies van die items in die stel moet op die skool se inventaris aangeteken word.
4. Opleiding in die gebruik van die stel sal deur die kurrikulumadviseur vir Tegnologie by die betrokke OBOS onderneem word. Die kurrikulumadviseur vir Tegnologie sal die skool deur die loop van die kwartaal van besonderhede in kennis stel.

5. Die WKOD is verbind om onderrig en leer in die skole 'n aktiewe deelnemende ervaring te maak en vertrou dat hierdie stel die ontwikkeling van die assesseringstandaarde vir Tegnologie oor stelsels en beheer sal ondersteun.


GETEKEN: J.P. RAULT-SMITH
HOOF: ONDERWYS
DATUM: 2007:04:23