1. Die 60ste herdenking van die Universele Verklaring van Menseregte sal in 2008 plaasvind. Met dit in gedagte wy die Stigting vir Vrede en Samewerking, wat in Spanje gebaseer is sy jaarlikse Vrede en Samewerking-skooltoekennings vir 2007 aan die bevordering in skole oor die wêreld heen van ‘n bewustheid van menseregte.
2. Die doel van die toekenningsprojek is om kinders van verskillende nasionaliteite, rasse en kulture in staat te stel om hulle beskouings van menseregte deur middel van tekeninge, ontwerpe en fotografie uit te druk.
3. Die oorhoofse menseregtetema is My reg om te besluit . Onderwysers moet daarop let dat die toekenningskompetisie drie verskillende kategorieë het, elkeen vir ‘n spesifieke medium en ouderdomsgroep. Geskikte metodes moet dus gebruik word wanneer die tema aan leerders verduidelik word. (Sien Bylae A.)
4. Die 2007 Internasionale Kunstoekennings word geborg deur die Spaanse Ministerie van Buitelandse Sake, die Madrid Provinsiale Regering en verskeie NRO’s vir menseregte.
5. Die Suid-Afrikaanse Ambassade in Spanje, die Suid-Afrikaanse nasionale Onderwysdepartement en die Wes-Kaap Onderwysdepartement (WKOD) moedig leerders aan om aan hierdie kompetisie deel te neem.
6.

Alle inskrywings moet direk per pos gestuur word, of per e-pos digitale fotografie, na die volgende adres:

Fundación Paz y Cooperación          Tel.  (34) 91 549 61 56
C/Melendez Valdés, n°68, 4 izq       Faks (34) 91 543 52 82
28015 Madrid                         pazycoop@eurosur.org
España                               pazycooperacion@hotmail.com
7. Alle inskrywings sal die eiendom wees van die Fundación Paz y Cooperación (Stigting vir Vrede en Samewerking).
8. Let daarop dat die WKOD nie verantwoordelikheid kan neem vir die voorlegging van leerders se inskrywings aan die Fundación Paz y Cooperación nie.
9. Die sluitingsdatum vir die voorlegging van inskrywings is 1 Julie 2007.
10. Addisionele besonderhede van die kompetisie kan in die aangehegte Bylae A gevind word.
11. Lig asseblief al die lede van u personeel in aangaande die inhoud van hierdie minuut.


GETEKEN: JP RAULT-SMITH
HOOF: ONDERWYS
DATUM: 2007:04:19