1. 'n Afskrif van die voorlopige rooster vir die 2007 Senior Sertifikaat-eksamen is aangeheg.
2.

Die datums waarop sekere eksamenvraestelle geskryf sal word, is deur die Nasionale Onderwysdepartement (DvO) bepaal en is nie aan verandering onderworpe nie, behalwe met nasionale konsensus.

Hierdie vraestelle is die elf nasionale vakke, nl.:

  • Rekeningkunde HG en SG
  • Biologie HG en SG
  • Engels Tweede Taal HG en SG
  • Geskiedenis HG en SG
  • Wiskunde HG en SG
  • Natuur- en Skeikunde HG en SG
  • Aardrykskunde HG en SG
  • Bedryfsekonomie HG en SG
  • Ekonomie HG en SG
  • Landbouwetenskap HG en SG
  • Afrikaans Tweede Taal HG en SG
3. Vakke wat op die aangehegte rooster as SG aangedui word, word slegs op standaardgraad aangebied. Vakke in die boonste gedeelte van elke blok word in die oggend en dié in die onderste gedeelte in die namiddag geskryf.
4. Sommige kandidate in die Wes-Kaapprovinsie skryf in vir vakke wat deur ander Provinsiale Departemente van Onderwys (PDO's) en die Onafhanklike Eksamenraad (OER) geëksamineer word. Die WKOD lewer geen inset in die skedulering van die eksamendatums vir sodanige vraestelle nie. Die WKOD sal die eksamendatums van die ander PDO's en die OER in die WKOD-eksamenrooster inkorporeer sodra hulle ontvang word.
5. Skoolhoofde word versoek om die WKOD (Die Hoof: Onderwys, Vir aandag mnr TJ Magwaca), Wes-Kaap Onderwysdepartement, Privaatsak X9114, Kaapstad, 8000 of per faks aan mnr TJ Magwaca by 021 467 2620) skriftelik voor Vrydag 01 Junie 2007 te verwittig van enige botsings op die rooster of van vakke wat moontlik uitgelaat is. Indien die prinsipaal versoek dat ‘n vak of vraestel van die gespesifiseerde datum verskuif moet word, moet hy of sy ‘n datum voorstel waarop daardie vak of vraestel geskryf moet word. Die verskuiwing van 'n vak sal egter slegs oorweeg word indien dit nie 'n negatiewe uitwerking sal hê op die meerderheid van die kandidate wat daardeur geraak word nie.
6. Daar moet in gedagte gehou word dat dit 'n voorlopige rooster is wat aan verandering onderworpe is. Die finale eksamenrooster sal teen die einde van die derde kwartaal, na afloop van die aanvanklike verwerking van die eksameninskrywings, aan alle inrigtings gestuur word.
7. Skoolhoofde word versoek om alle Senior Sertifikaat-kandidate in kennis te stel dat hulle tot op die laaste dag van die 4de skoolkwartaal beskikbaar moet wees in geval dit nodig mag wees om die skryf van 'n bepaalde eksamenvraestel te herskeduleer.


GETEKEN: BK SCHREUDER
HOOF: ONDERWYS
DATUM: 2007:04:24

Voorlopige rooster vir die Senior Sertifikaat-eksamen: Oktober - November 2007  (grootte: 19 KB)