| 1. |
Wetenskap-sakrekenaars word gebruik deur kandidate wat die Senior Sertifikaat Wiskunde- en Natuurwetenskap-eksamens aflę. Prinsipale en hoofopsieners moet dus seker maak dat die volgende veiligheidsvoorsorgmaatreëls getref word wanneer hierdie vakke geskryf word:
|
| 2. |
Goedgekeurde sakrekenaars
|
| 2.1 |
Slegs goedgekeurde sakrekenaars mag gebruik word
|
| 2.2 |
Hierdie sakrekenaars moet nieprogrammeerbaar en niegrafies wees.
|
| 2.3 |
Voor 'n opsiener 'n sakrekenaar in die eksamenkamer konfiskeer, moet hy of sy eers met die vakhoof van Wiskunde of Natuurwetenskap beraadslaag, of anders met die persoon aan wie die prinsipaal hierdie funksie gedelegeer het. By eksamensentrums wat nie aan skole verbonde is nie moet die hoofopsiener geraadpleeg word.
|
| 3.1 |
Daar was al insidente in die verlede waar notas op rekenaaromhulsels geskryf is en dan die eksamenkamer binnegebring is.
|
| 3.2 |
Prinsipale en hoofopsieners moet die nodige stappe doen om hierdie praktyk te verhoed. Indien sakrekenaaromhulsels verwyderbaar is, moet kandidate dit buite die eksamenkamer laat. Alle nieverwyderbare omhulsels moet deur opsieners nagegaan word voor die eksamensessie begin.
|
| 4. |
Opsieners moet seker maak dat alle sakrekenaars afgeskakel word voor die begin van die eksamensessie.
|
| 5. |
Indien 'n kandidaat 'n sakrekenaar moet leen in die loop van die eksamen moet die opsiener seker maak dat dit afgeskakel is voor dit deur die kandidaat aan die lener oohandig word, en ook wanneer die lener dit aan daardie persoon teruggee.
|
| 6. |
Bring asseblief die inhoud van hierdie minuut onder die aandag van die hoofopsiener, alle onderwysers wat graad 11 en 12 onderrig, en alle leerders in daardie grade.
|
GETEKEN: J.P. RAULT-SMITH
HOOF: ONDERWYS
DATUM: 2007:05:24
|