1. Die nasionale Departement van Onderwys het die leerprogramriglyne (LPR'e) vir elke vak in die VOO-band hersien om die implementering van die Nasionale Kurrikulumverklaring (NKV) te versterk en te ondersteun.
2. Die Departement van Onderwys het die hersiene LPR'e vir elk van die 29 vakke van die NKV (graad 10 tot 12) in Engels voorsien. Die Engelse dokumente word onmiddellik aan skole gestuur. Die dokumente word tans in Afrikaans vertaal en sal in ooreenstemming met die skool se taal van onderrig versprei word sodra hulle beskikbaar is.
3. Sommige van die hersiene LPR'e bevat addisionele inligting oor inhoud wat vereis word om die leeruitkomste te bereik. Onderwysers moet kennis neem van die byvoegings om seker te maak dat leerders goed voorberei is vir interne en eksterne eksamens in graad 10, 11 en 12.
4. Kurrikulumadviseurs is in kennis gestel van hierdie veranderinge en sal leiding aan skole verskaf indien daar navrae is.
5. Prinsipale word versoek om seker te maak dat betrokke personeellede afskrifte van die dokumente ontvang waarna daar in hierdie minuut verwys word.


GETEKEN: J.P. RAULT-SMITH
HOOF: ONDERWYS
DATUM: 2007:04:20


Die dokumente, waarna verwys word in die Minuut, is aan skole gestuur.