| 1. |
Van die uitkomste wat genoem word in die Nasionale Kurrikulumverklaring vir Lewensoriëntering in die Verdere-onderwys-en-opleidingsband is dat die leerder in staat sal wees om oor selfkennis te beskik en die vermoë sal openbaar om ingeligte besluite aangaande verdere studie, beroepsvelde en loopbaanbeplanning te neem.
|
| 2. |
Die Wes-Kaap Onderwysdepartement wil graag verseker dat leerders blootgestel word aan soveel as moontlik beskikbare geleenthede in die werkwêreld, relevante werksgeleenthede en beroepsmoontlikhede terwyl hulle voortgaan na die finale keuse van 'n beroep. |
| 3. |
As deel van sy operasionele plan vir 2007 sal die Wes-Kaapse Streekkantoor van die Suid-Afrikaanse Nasionale Weermag (SANW) wegspring met ‘n werwingsveldtog in hoërskole in die Wes-Kaap om leerders in te lig aangaande beroepsgeleenthede in die Weermag.
|
| 4. |
Skole word aangemoedig om die SANW toe te laat om leerders in graad 10 tot 12 in te lig aangaande werksgeleenthede wat beskikbaar is in die Weermag deur ‘n geleentheid op ‘n geskikte tyd te reël waartydens hulle die leerders van die skool kan toespreek.
|
| 5. |
Prinsipale word versoek om die inhoud van hierdie kurrikulumminuut onder die aandag van al die onderwysers te bring. |
| 6. |
Skakel asseblief mev DJ Christiaans, Senior Kurrikulumbeplanner vir Lewensoriëntering by dchristi@pgwc.gov.za of 021 467 2589 indien u meer inligting benodig.
|
GETEKEN: JP RAULT-SMITH
HOOF: ONDERWYS
DATUM: 2007:03:31
|