1. 'n Sleutelaspek van die Masifunde Maqela-leesprojek is om leerders aan te moedig om daagliks te lees en sodoende 'n leeskultuur in die klas en die provinsie as geheel te vestig.
2. U skool moes al die volgende ontvang het vir die Masifunde Maqela-leesprojek (verwys Kurrikulumontwikkelingminuut 0001/2007):

  • 'n Handleiding, getiteld WKOD-leesprogram: Begeleideleesprogram vir graad 4-7 vir elke opvoeder van graad 4- tot 7-klasse

  • 'n Oriënteringskursus vir hierdie opvoeders in die Begeleideleesprogram

  • Een of meer gegradeerde leespakke (soos bepaal deur middel van die skool se provinsiale kwintiel)
3. Daarbenewens sal die volgende aan elke skool gekoerier word:

  • 'n Afskrif van die Begeleideleeshandleiding vir die prinsipaal

  • 'n DVD met riglyne oor die implementering van die Begeleideleesprogram in die klaskamer

  • 'n Plakkaat wat die 8 stappe van die Begeleideleesprogram uiteensit

  • Boekmerke vir leerders oor die hantering van leesboeke
4. Prinsipale word versoek om seker te maak dat leerders ten volle voordeel trek uit die voorsiene materiaal. Verdere ondersteuning of leiding kan verkry word van die betrokke kurrikulumamptenare by OBOS'e.


GETEKEN: J.P. RAULT-SMITH
HOOF: ONDERWYS
DATUM: 2007:03:26