1. Registrasie, plek- en tydsraamwerke
1.1 Dit is die finale opvolgkennisgewing van Kurrikulumminuut 0019/2007 aangaande die bogenoemde werkswinkels geskeduleer vir April 2007.
1.2 Soos genoem is in Kurrikulumminuut 0019/2007 sal daar geen provinsiaal-gebaseerde werkswinkels gehou word vir 'n besondere vak indien daar minder as 12 onderwysers vir daardie vak geregistreer is nie, as gevolg van die uitsonderlike hoë koste per onderwyser. Die name van sulke geregistreerde onderwysers sal voorgelê word aan die betrokke OBOS'e vir opvolgleiding en ondersteuning.
1.3 In Bylae A sal u die vakke, plekke, datums en tye van die geskeduleerde werkswinkels vind. Die werkswinkels sal uit twee sessies per dag bestaan. Die eerste sessie sal van 08:30 tot 11:30 duur. Na 'n ligte middagete sal die tweede sessie van 12:30 tot 15:30 duur.
1.4 Onderwysers wat na Maandag, 12 Maart 2007 registreer het, kan ongelukkig nie in die werkswinkels geakkommodeer word nie as gevolg van logistiese redes wat verband hou met die druk van materiaal, spysenieringgegewens en lokaalreëlings. Kursusgangers wat nie geregistreer het nie, of laat geregistreer het, moet daarop let dat hulle nie vir enige persoonlike uitgawes wat aangegaan is, vergoed sal word nie.
2. Akkommodasie
2.1 Onderwysers wat akkommodasie benodig, moet hulle eie reëlings tref en mag eise tot 'n maksimumbedrag van R750 per dag (alles insluitend - middagete, bed en ontbyt) indien.
2.2 Onderwysers wat privaat akkommodasie benodig mag eis tot 'n maksimum van R200 per dag. In sulke gevalle moet 'n kwitansie aan die eis geheg word wanneer dit ingedien word.
2.3 Die WKOD sal geen uitgawes vergoed wat aangegaan is vir privaat telefoonoproepe of die aankoop van alkoholiese drank nie.
3. Werkswinkelvereistes
3.1 Onderwysers word versoek om die volgende beleids- en riglyndokumente wat aan skole uitgedeel is, na die oriëteringswerkswinkels saam te bring.
3.1.1 Vakverklarings van die Nasionale Kurrikulum
3.1.2 Leerprogramriglyne
3.1.3 Vakassesseringsriglyne
3.1.4 Nasionale Protokol oor Assessering
3.1.5 Riglyne vir IKT-integrasie met NKV-vakke in graad 10 - 12
3.1.6 Die Nasionale Senior Sertifikaat: 'n Kwalifikasie op Vlak 4 van die Nasionale Kwalifikasieraamwerk (NKR)
3.1.7 Minimum toelatingsvereistes vir Hoër Onderwys, diploma- en BA-graadprogramme wat 'n nasionale Senior Sertifikaat-eksamen vereis.
3.2 Spesiale vereistes
3.2.1 Rekenkunde-sakrekenaars en wetenskap-sakrekenaars vir Wiskunde en Wiskundige Geletterdheid.
3.2.2 Nuwe handboeke of ander relevante vakmateriaal
4. Uitgawes deur onderwysers aangegaan
4.1 Onderwysers moet hulle eisvorms voorlê by die bestuurders van die vergaderplekke aan die einde van die werkswinkel.
4.2 Onderwysers sal vergoed word vir reiskoste en, waar van toepassing, vir akkommodasieuitgawes.
4.3 Dit is dus belangrik dat elke onderwyser die volgende na die werkswinkel toe saambring:
4.3.1 Persalnommer
4.3.2 Registrasiebesonderhede van die voertuig wat vir vervoer gebruik is
4.3.3 Bankbesonderhede
4.3.4 Alle kwitansies van uitgawes op die laaste dag
4.4 Onderwysers wat gebruik maak van openbare vervoer (bus- en treindiens) moet geldige kwitansies aan hulle eisvorms heg. Waar onderwysers gebruik maak van minibusse moet eise vergesel word van kwitansies wat uitgereik is of alternatiewelik van 'n brief van hulle prinsipaal wat die uitgawe wat aangegaan is, spesifiseer. Elke onderwyser moet 'n afsonderlike geverifieerde eis indien.
4.5 Geen onderwyser sal vergoed word vir reis- of verblyfuitgawes wat aangegaan is op pad na die werkswinkel van sy of haar vakansiebestemming nie, of wat afwyk van die plek waar hulle geregistreer is nie.
5. Prinsipale word versoek om seker te maak dat die inhoud van hierdie kurrikulumminuut onder die aandag van alle graad 10- tot 12-onderwysers gebring word.


GETEKEN: J.P. RAULT-SMITH
HOOF: ONDERWYS
DATUM: 2007:03:22

Bylae A  (grootte: 11 KB)