1. Die Nasionale Kurrikulumverklaring (NKV) Graad 10-12 (Algemeen) maak voorsiening vir die vak Musiek, soos ontwikkel deur die Departement van Onderwys, asook vir die musiekeksamens van die volgende eksterne assesseringsliggame: 
Associated Board of the Royal Schools of Music
Trinity College of London
Universiteit van Suid-Afrika
2. Leeruitkoms 1 (Voordrag en aanbieding) en Leeruitkoms 2 (Improvisasie, verwerking en komposisie) is die praktiese komponente van die vak Musiek (soos vervat in die NKV).
3. Leerders het 'n keuse van verskeie musiekinstrumente. Skole is egter nie altyd in staat om alle instrumente aan te bied nie. Daarom kan leerders onderrig in die instrument van hulle keuse ontvang in die vorm van privaatlesse of lesse by een van die WKOD se musieksentrums.
4. Indien voltydse leerders musieklesse privaat of by een van die musieksentrums neem, moet daar aan die volgende vereistes voldoen word:
(a) Die prinsipaal van die skool waar die leerder voltyds geregistreer is, moet van die reëling in kennis gestel word en moet seker maak dat die vak op die registrasievorm vir die Nasionale Senior Sertifikaat ingesluit is.
(b) Interne assessering moet volgens die voorskrifte van die Vakassesseringsriglyne en die Nasionale Protokol vir Assessering vir Graad R-12 geskied.
(c) Privaatonderwysers en musieksentrums moet alle uitslae van die leerder stuur aan die skool waar die leerder voltyds geregistreer is.
(d) Die prinsipaal van die skool waar die leerder voltyds geregistreer is, is verantwoordelik vir die samestelling van die interne assesseringspunte van die leerder sowel as die invul en indien van die toepaslike puntestate.
(e) Die prinsipaal moet verseker dat moderering van die leerder se werk volgens die WKOD se vereistes geskied.
(f) Alle finansiële onkoste vir privaatonderrig en instrumente word deur die ouers gedra.
5. Bring asseblief die inhoud van hierdie minuut onder die aandag van alle belanghebbendes.


GETEKEN: J.P. RAULT-SMITH
HOOF: ONDERWYS
DATUM: 2007:05:02