| 1. |
Die Suid-Afrikaanse Hoë Kommissie in die Verenigde Koninkryk het in samewerking met die Statebond se Oorlogsgrafkommissie 'n opstelkompetisie gehou as deel van die 10de herdenking van Suid-Afrika se demokrasie. Agtien Suid-Afrikaanse hoërskoolleerders wat in die kompetisie uitgeblink het en 'n onderwyser het na die Verenigde Koninkryk en Frankryk gereis.
|
| 2. |
Die Hoë Kommissie wil hierdie opvoedkundige ervaring in Junie-Julie 2007 herhaal.
|
| 3. |
Twee leerders ('n seun en 'n dogter) sal elk van die nege provinsies verteenwoordig op opvoedkundige besoeke aan oorlogsbegrafplase waar Suid-Afrikaanse soldate begrawe is wat hulle lewens in die Eerste en Tweede Wêreldoorloë verloor het.
|
| 4. |
Ten einde hiervoor in aanmerking te kom, moet leerders 'n opstel skryf oor die onderwerp van oorlogsgrafte (van óf die Eerste óf die Tweede Wêreldoorlog of beide oorloë) in Suid-Afrika. Die skryfstuk moet verwys na grafte in die leerder se omgewing, hoewel leerders oor grafte in 'n ander deel van die land of provinsie kan skryf indien daar nie sulke grafte in die omgewing is nie. Aangesien die jaar 2007 die 90 ste herdenking sal wees van die sink van die SS Mendi en die gevolglike verlies aan Suid-Afrikaanse lewens, kan die opstel hierdie gebeurtenis insluit.
|
| 5. |
Suid-Afrika het ten minste 23 oorlogsbegrafplase wat onder die beheer van die Statebond se Oorlogsgraftekommissie val wat deel is van Suid-Afrika se erfenis. Leeruitkoms 4 (Erfenis) in die VOO Vakverklaring vir Geskiedenis gee waardevolle riglyne oor sommige van die kwessie wat verband hou met erfenis, wat die leerders se benadering tot hulle opstelle kan rig.
|
| 6. |
Die oogmerk van die kompetisie is om 'n beter begrip by ons jeug te skep van Suid-Afrika se rol in hierdie twee oorloë en om klem te lê op die deelname van swart Suid-Afrikaners wie se sleutelrol in hierdie oorloë deurlopend onderskat en selfs oor die hoof gesien is.
|
| 7. |
Voorwaardes vir inskrywing:
|
| 7.1 |
Slegs leerders wat ten minste een jaar in die skool oorhet na Julie 2007 mag vir die kompetisie inskryf.
|
| 7.2 |
Die sluitingsdatum vir inskrywings is 23 April 2007.
|
| 7.3 |
Opstelle moet in Engels wees en nie langer as een duisend woorde wees nie.
|
| 7.4 |
Alhoewel die opstel goed nagevors en feitelik korrek moet wees, sal bonuspunte toegeken word vir kreatiewe en interessante benaderings tot die onderwerp.
|
| 7.5 |
Die opstelle moet 'n begrip weerspieël van SuidAfrika se rol in hierdie oorloë en van die impak wat dit op die land se mense gehad het
|
| 7.7 |
Beoordeling van die inskrywings sal gedoen word deur die Departemente van Buitelandse Sake, Verdediging en Onderwys en hulle sal bygestaan word deur die Suid-Afrikaanse Oorlogsgraftekommissie.
|
| 7.8 |
Reisonkoste van en terug na Suid-Afrika en in Europa sal deur die Hoë Kommissie in die Verenigde Koninkryk gedra word.
|
| 8. |
Bring asseblief die inhoud van hierdie minuut onder die aandag van alle Geskiedenis- en Taalonderwysers.
|
GETEKEN: J.P. RAULT-SMITH
HOOF: ONDERWYS
DATUM: 2007:01:29
|