| 1. |
Omsendbrief 0056/2007 het aangekondig dat skole die nasienmemorandums vir graad 11 se nasionale vraestelle per e-pos sal ontvang. Dit het tot dusver gebeur vir alle nasionale vraestelle wat reeds geskryf is.
|
| 2. |
Die WKOD het sedertdien versoeke ontvang om nasienmemorandums vir vraestelle wat in die middag geskryf is op dieselfde dag as waarop dit geskryf is vry te stel, sodat onderwysers onmiddellik kan begin nasien.
|
| 3. |
Die volgende reëlings is nou getref sodat skole die betrokke nasienmemorandums op die eksamendag kan ontvang:
|
| 3.1.1 |
Oggendvraestelle: Nasienmemorandums sal per e-pos aan skole en distriksdirekteure gestuur word teen 12:00 op die dag van die eksamen.
|
| 3.1.2 |
Middagvraestelle: Nasienmemorandums sal per e-pos aan skole en direkteure gestuur word teen 15:30 op die dag van die eksamen.
|
| 4. |
Om veiligheidsredes moet skoolhoofde verseker dat die nasienmemorandums nie aan klaskamers of onderwysers beskikbaar gestel word voor die voltooiing van die eksamen nie.
|
| 5. |
Indien daar enige verbreking van sekuriteit of vertroulikheid plaasgevind het, sal die huidige reëlings vir die vrystelling van die nasienmemorandums hersien moet word.
|
| 6. |
Soos in Omsendbrief 0056/2007 genoem is, moet nasienmemorandums in vakspanne bespreek word, onder die leierskap van die departementshoof of vakhoof, om te verseker dat al die onderwysers in die skool die memorandums nougeset navolg.
|
| 7. |
Punteblaaie van die DvO vir Wiskunde, Wiskundige Geletterdheid en die amptelike tale sal binnekort na die skole gestuur word. Dit sal egter slegs in hardekopieformaat beskikbaar wees en moet voltooi word en teruggestuur word na die WKOD teen die einde van November.
|
| 8. |
Die WKOD bedank u vir u toewyding en samewerking tydens die administrasie van die graad 11-eksamens, om laasgenoemde. se geloofwaardigheid te verseker.
|
GETEKEN: Z MODIMAKWANE
HOOF: ONDERWYS
DATUM: 2007:11:02
|