| 1. |
In Omsendbrief 0056/2007 is aangedui dat die nasionale Departement van Onderwys van provinsies vereis om die skrifte vir Tale, Wiskunde en Wiskundige Geletterdheid te modereer en om puntelyste en bevorderingskedules vir alle skole in te dien. Die puntelyste vir alle kandidate in hierdie vakke word nie meer benodig nie en skole moet dus hul eie puntelyste vir hierdie vakke gebruik.
|
| 2.1 |
Skole word daaraan herinner om 9 intern gemodereerde skrifte vir elk van die volgende vakke aan die WKOD te voorsien:
- Engels Huistaal Vraestel 1 en 3
- Engels Eerste Addisionele Taal Vraestel 1 en 3
- Afrikaans Huistaal Vraestel 1 en 3
- Afrikaans Eerste Addisionele Taal Vraestel 1 en 3
- Afrikaans Tweede Addisionele Taal Vraestel 1 en 2
- Xhosa Huistaal Vraestel 1 en 3
- Xhosa Eerste Addisionele Taal Vraestel 1 en 3
- Xhosa Tweede Addisionele Taal Vraestel 1 en 2
- Wiskunde Vraestel 1 en 2
- Wiskundige Geletterdheid Vraestel 1 en 2
|
| 3.1 |
Skole moet puntelyste indien vir die skrifte wat vir moderering ingedien word. Die puntelyste moet die persoonlike besonderhede bevat van die leerders en die punte per vraag soos aangedui in puntelys WCED1.
|
| 3.2 |
Skole moet die meegaande puntelys vir individuele vrae vir elk van die bogenoemde vakke invul wat by die skool aanbied word.
|
| 3.3 |
'n Gedrukte kopie van elke individuele puntelys vir bogenoemde vakke moet saam met die skrifte vir moderering ingedien word.
|
| 3.4 |
Skole moet asseblief seker maak dat al die puntelyste gereed is vir inname op 29 November 2007. Die Direktoraat: Eksamens se koerierdiens sal die skrifte en puntelyste op 29 of 30 November 2007 afhaal.
|
| 4.1 |
Skole moet die bevorderingskedule soos gewoonlik aan die distrikskantoor voorsien. Die WKOD sal die skedules direk van die distrikskantoor kry nadat die bevorderingsproses afgehandel is.
|
| 5.1 |
Die DvO het aangedui dat hulle ook die graad 11-vakpunte (DASS-punte en eksamenpunte per vraestel) vir alle vakke wat 'n skool hierdie jaar geskryf het, benodig.
|
| 5.2 |
Puntelyste wat die graad 11-data vir 2007 sal bevat, sal in Januarie 2008 na skole gestuur word.
|
| 5.3 |
Hierdie data sal vir verdere toetse op die nuwe graad 12-rekenaarprogram gebruik word.
|
| 5.4 |
'n Voorbeeld van die data wat per vak benodig word (WCED3), vergesel hierdie minuut. |
| 5.5 |
Skoolhoofde moet seker maak dat hul skool die betrokke data het ter voorbereiding vir die taak in 2008.
|
| 6. |
Die WKOD vra om verskoning vir die laat kennisgewing aangaande die puntelyste en bedank skole weer eens vir hul toewyding en samewerking by die afneem van die graad 11-eksamen. |
GETEKEN: Z MODIMAKWANE
HOOF: ONDERWYS
DATUM: 2007:11:23
|
