1. |
Ngokomhlathi 1, weSiqendu 11, seSahluko 2 soMthetho weZikolo waseMzantsi Afrika (uMthetho 84/1996) (SASA), ibhunga elimele abafundi kufuneka lonyulwe kwisikolo ngasinye esibhalisa abafundi bamaBakala 8 nangaphezulu, kwaye libhunga elilolu hlobo kuphela elaziwayo nelisemthethweni elimele abafundi esikolweni.
|
2. |
IGazethi yeSikhawu yePhondo 5946 yomhla wama-31 Januwari 2003 (Extraordinary Provincial Gazette 5946 of 31 January 2003) inomthetho omalunga nokwakhiwa, imisebenzi, inkqubo yonyulo, ukuchithwa kweRCL nokukhutshwa kwelungu leRCL.
|
3. |
Kucetyiswa ukuba inkqubo yokunyulwa kwamalungu eRCL mayigqitywe kwiveki yokuqala kaFebruwari ukuqinisekisa ukuba iiRCL zinika inkonzo yethuba elipheleleyo lokubasesikhundleni kwazo. Izikolo ezingekalugqibi unyulo lwamalungu eRCL ziyacelwa ukuba zenjenjalo ngokukhawuleza.
|
4. |
Ziyacelwa iinqununu ukuba zingenise amagama amalungu eeRCL ezonyuliweyo ngokuzalisa le fom iqhotyoshelweyo.
|
5. |
Abasezikhundleni nabameli kumabhunga olawulo ezikolo mababhalwe ngokucacileyo kwiikholam ezenzelwe loo njongo. Iifom ezizalisiweyo mazibuyiselwe kwiCandelo loLawulo nokuPhathwa kwaMaziko (Directorate: Institutional Management and Governance) kule nombolo yefeksi ingentla okanye zithunyelwe nge-imeyili apha rcl@pgwc.gov.za phambi kowesi-12 Meyi 2006. |
6. |
Nceda wazise okubhalwe kule ngcaciso emfutshane bonke abachaphazelekayo. |
ISAYINWE: NGU-D.R. SHEPHERD
INTLOKO: YESEBE LEMFUNDO
UMHLA: 2006:04:20
|