| 1. |
I-Cape Teaching Institute (CTI) iya kuqhuba iikhosi, njengoko ziboniswe kwiziHlomelo A, B, C no-D, zootitshala nabaphathi bezikolo (school managers) ngethuba lokuqhubeka kweekota zesikolo ngo-2007.
|
| 2. |
Ootitshala abanomdla wokuza kwezi khosi bacetyiswa ukuba babhalise ngokudlula kuqala kumagosa e-EMDC, njengoko kubonisiwe kwisiHlomelo E.
|
| 3. |
Ikhosi enye iyaphinda-phindwa amaxesha ngamaxesha ukwenzela ukuba ootitshala bezikolo ezahlukeneyo abantanganye bakwazi ukuza.
|
| 4. |
Kuphela ngootitshala abangamashumi amahlanu anesithandathu abanokubhaliswa ngekhosi nganye. Aba titshala baya kuthathwa kuzo zosixhenxe ii-EMDC zeli phondo. Oku kuthethe ukuba linani elincinane lootitshala elinako ukuza ekhosini ngexesha ngalinye.
|
| 5. |
Iikhosi zeeveki ezintathu okanye ezine zahlulwe phakathi zaziibloko ezimbini ukwenzela ukunika ithuba ootitshala lokubuyela ezikolweni zabo baphumeze oko bebeqeqeshwa kuko.
|
| 5.1 |
Iikhosi yeeveki ezintathu ineebloko ezimbini, ibloko yokuqala yeeveki ezimbini nebloko yesibini yeveki enye.
|
| 5.2 |
Iikhosi yeeveki ezine ineebloko ezimbini, ezibude buziiveki ezimbini ibloko nganye.
|
| 6. |
Kufuneka utitshala aye kuzo zombini iibloko, eyokuqala neyesibini, zekhosi enye ukwenzela ukugqiba yonke ikhosi ngokupheleleyo: umz. Ukuba utitshala ukhetha ukuya kule khosi yesi-3, iFoundation Phase Numeracy, loo titshala makaye kwibloko yokuqala yale khosi eqala nge-14 Meyi kuye kwi-25 Meyi 2006 aze abuye aze kugqibezela ikhosi ngokuza kwibloko yesibini eqala nge-27 Agasti kuye kwi-7 Septemba 2006.
|
| 7. |
Akuyi kuvunyelwa ukutshintshanisa (swapping) iibloko zeekhosi ezahlukileyo.
|
| 8. |
Ngako oko ke ootitshala mabakhethe iikhosi eziya kuqhubeka ngexesha befumaneka ngalo ukuba baye kwikhosi yonke ngokupheleleyo.
|
| 9. |
Amagama atyunjwe ngamagosa ee-EMDC abo baza kuya ezikhosini eziqhubeka ngethuba lekota yokuqala ka-2007 kufuneka afike eCape Teaching Institute ngaphambi kwe-20 Novemba 2006 ukulungiselela ukuba kuqhutywe inkqubo yokubhalisela ikota 1 ka-2007 ngaphandle kwamagingi-gingxi.
|
| 10. |
Ukufumana ingcaciso engaphezulu musa ukuthandabuza qhagamshelana noNobantu Pasiya apha 021 900 5022 okanye ngale dilesi ye-imeyili: npasiya@pgwc.gov.za..
|
| 11. |
Kucelwa wazise okukule ngcaciso emfutshane bonke ootitshala.
|
ISAYINWE: NGU-E. KIRSTEN
INTLOKO: YESEBE LEMFUNDO
UMHLA: 2006:10:17
|