1. |
ISebe leMfundo eNtshona Koloni licela zonke iinqununu, iikomiti zolawulo zezikolo, amabhunga olawulo ezikolo, ootitshala, abazali nabafundi ukuba batyumbe ootitshala abasenkonzweni nabasele besidla umhlala-phantsi kwiindawo abakuzo ukuba bangenele amaBhaso oNyaka ka-Aggrey Klaaste okuWonga uTitshala oGqwesileyo kwiMathematika, iSayensi neThekhinoloji.
|
2. |
Abaxhasi ngezimali abaphambili bala mabhaso okutshatshela ekufundiseni ezi zifundo zibaluleke kangaka ngu-Telkom Fondation ne-The Sowetan.
|
3. |
Kucelwa niqaphele le ngcaciso ibalulekileyo ilandelayo emalunga nokutyumba ootitshala:
|
3.1 |
Ifom yokutyumba ifakwe apha kule ngcaciso imfutshane. Iifotokopi zale fom yokutyumba ziya kwamkeleka nazo.
|
3.2 |
Kucelwa ukuba kutyunjwe ootitshala abakula mahlelo alandelayo:
(i) |
Utitshala osenkonzweni: Isigaba seFET (AmaBakala 10 -12)
|
(ii) |
Utitshala osenkonzweni: Isigaba seGET (AmaBakala 4 - 9)
|
(iii) |
Utitshala odla umhlala-phantsi
|
|
3.3 |
Kucelwa niqinisekise ukuba ifom yokutyumba izaliswe ngokuchanekileyo nangokupheleleyo.
|
3.4 |
Abatyumbi mabasebenzise iikhrayitheriya zokutyumba ezikwifom yokutyumba ukuvavanya ukuba ngaba umtyunjwa ukulungele kusini na okanye unazo kusini iimpawu eziyimfuneko zokuba atyunjelwe eli bhaso.
|
3.5 |
Iphothifoliyo yomtyunjwa ingangeniswa negama lomtyunjwa, kodwa oku akuyomfuneko enokusetyenziswa xa kugwetywayo yi-EMDC. Nangona kunjalo, lowo ogqwesileyo waza wafumana ibhaso le-EMDC noya kuqwalaselelwa ibhaso lephondo, uya kulindeleka ukuba alungise iphothifoliyo.
|
3.6 |
Iifom ezizaliswe ngokupheleleyo mazithunyelwe kumcebisi ngezekharityhulam oyintloko kwi-EMDC yakho, zibhalwe ngokucacileyo oku “For the attention: Chief Curriculum Adviser - Maths, Science and Technology Educator of the Year Awards 2006”. Umhla wokuvala ukungeniswa kwamagama abatyunjwa yi-25 Agasti 2006.
|
4. |
Abazuze amabhaso ephondo kumahlelo amathathu baya kuqwalaselelwa amabhaso kazwelonke, naya kunikezelwa eRhawutini nge-25 Matshi 2007.
|
5. |
Nceda ufunde ngemva kwifom yokutyumba inkcazo ngamabhaso aya kunikezelwa kwinqanaba lephondo nakwinqanaba likazwelonke.
|
6. |
Ukuba ufuna ingcaciso engaphezulu, qhagamshelana noMcebisi ngezeKharityhulam kwimathematika nesayensi kwi-EMDC yakho okanye nomQuququzeleli wePhondo uGavin de Bruyn kule nombolo: 021 467 2575 okanye ngale dilesi ye-imeyili gdebruyn@pgwc.gov.za
|
7. |
Siya kuluthakazelela uncedo lwakho lokuthathela ingqalelo imigudu yootitshala abatshatsheleyo.
|
ISAYINWE: NGU-E. KIRSTEN
INTLOKO: YESEBE LEMFUNDO
UMHLA: 2006:07:10
|