| 1. |
Apha kufakwe ikopi yengxelo yephondo emalunga nenkqubo yoVavanyo lweNkqubo yeMfundo (Systemic Evaluation) kumaBakala 6 ngo-2004, ne-CD equlethe ingxelo kazwelonke ekwangolu vavanyo lunye. Ezi ngxelo zombini ziqaqambisa ukubaluleka kokubeka esweni nokuvavanya kokubonelelwa kwemfundo esemgangathweni. Ezi ngxelo ziya kunika isikhokelo esiluncedo kwezo zicwangciso namanyathelo ongenelelo ngoncedo enzelwe ukunika inkxaso ezikolweni.
|
| 2. |
Ukufunda ingxelo yephondo kuyinto elungiselela wena njengoko ikunika ingcaciso eluncedo malunga nenkqubela-phambili kwinkqubo yemfundo ngokumalunga neenjongo zenguqu zokwazi ukufikelela kwimfundo komfundi ngamnye, zomgangatho ophakamileyo wemfundo, zokufumaneka kwemfundo ngokukhawuleza nangokufanayo kumfundi ngamnye nokuba ezi njongo zibe nenxaxheba enjani na kwimpumelelo yabafundi.
|
| 3. |
Nangona uphando beluqhutywa ngo-2004, iziphumo zisalungele ukusetyenziswa naku-2006. Ngaphandle kokunika ingxelo ngempumelelo yabafundi kwiphondo, iziphumo zicazululwe zaya kufikelela ezantsi ngokwe-EMDC nganye. Amagosa akwiinkonzo zokunika inkxaso kwiphondo ngokubanzi, aya kusebenzisa ezi ngcebiso ukubeka esweni nokubonelela ngenkxaso ezikolweni.
|
| 4. |
Xa kufundwa ingxelo elolu hlobo, kulula ukucinga ngokungathi iimeko zeziphumo ziyafana kubafundi bonke. Ngenxa yeyantlukwano phakathi kwezikolo, kubalulekile ukuba sijonge ngeliso elibukhali kwiimeko ezahlukileyo ezibenegalelo nezingabanga nagalelo kwimpumelelo yabafundi. Umzekelo, “Ukuhamba isikolo kwabo basepriprayimari” (iphepha 81) oku kuvela kuphela kwindawo yeshumi elinesixhenxe kuluhlu lokuthelekisa impumelelo yabafundi. Nakuba kunjalo, kuMhlathi 5.4.16 (iphepha 93), ingxelo ichaza ukuba “Abafundi abaqale bafunde kwizikolo zepriprayimari badla ngokwenza ngcono.” Oku kubonisa ukuba umntu kufuneka azijonge iziphumo kwiinkalo ngeenkalo ukuze ayiqonde kakuhle imiba ebenegalelo.
|
| 5. |
Ukuba ujonga ngeliso elibukhali kwizalathi-nkqubela ezifana nokhuseleko lwesikolo, ukuziphatha, iifizi zesikolo, ubungakanani beeklasi nokuthatha inxaxheba kwabazali neendlela abantu abazibona ngayo izinto, umntu unokufumanisa ukuba zininzi izinto ezinefuthe kwimpumelelo yomfundi nokuba kufuneka ifundwe ngenyameko le ngxelo yophando ukuba izikolo zifuna ukuzuza lukhulu kule nkqubo yovavanyo lwemfundo.
|
| 6. |
Sikunqwenelela impumelelo kwimizamo yakho yokukhuthaza imfundo esemgangathweni kuzo zonke izikolo zethu.
|
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2006:04:05
|