| 1. |
ISebe leMfundo leNtshona Koloni linoxanduva lokuzisa imfundo esemgangathweni ebonelelwa ngurhulumente kubo bonke abantu abakwiphondo leNtshona Koloni.
|
| 2. |
NgokweMvumelwano 8 yowe-2003 yoThetha-thethwano neMibutho yaBasebenzi (Collective Agreement 8 of 2003), ezi program zintathu zilandelayo, zimiselwe ukuze zibekwe esweni yaye zikhuthaze ukusebenza ngokukuko kwenkqubo yemfundo:
I-Apreyizali yoPhuhliso looTitshala (Developmental Appraisal) (DA)): Utitshala ngamnye uyavavanywa ukuze kuqatshelwe iinkalo anamandla kuzo kunye nezo zisafuna ukuphuhliswa; kukwabonelelwa ngamathuba ophuhliso lomntu ngamnye (ngokwezicwangciso zokuziphuhlisa wena buqu) (personal growth plans).
UMlinganiselo weNtsebenzo (Performance Measurement) (PM): Intsebenzo katitshala ibekwa esikalini ngeenjongo zokuba abe nokuphendula ngentsebenzo yakhe.
UVavanyo lweSikolo Siphela ((Whole School Evaluation (WSE)): Injongo yoVavanyo lweSikolo Siphela kukuvavanya impumelelo ngokubanzi yesikolo, kugxilwe kumgangatho wokufunda nokufundisa. Oku makulandelwe yiprogram yophuhliso, ukunikwa inkxaso kunye nokuphuculwa omakwenziwe sisithili eso.
|
| 3. |
UVavanyo lweSikolo Siphela luya kuqaliswa kwiphondo leNtshona Koloni ukususela kowoku-1 Meyi 2006.
|
| 3.1 |
Ngexa lotyelelo lwamagosa ajongene novavanyo lwesikolo siphela, kuya kuthi kwakhona kungqinisiswe amanqaku okuhlolwa kwentsebenzo yootitshala kuze kuveliswe ingxelo engeenkqubo ze-Apreyizali yoPhuhliso looTitshala (Developmental Appraisal) noMlinganiselo weNtsebenzo (Performance Measurement) esikolweni eso.
|
| 3.2 |
Zonke izikolo eziya kutyelelwa ngo-2006 ziya kufumana iiseshoni zengcaciso phambi kokuba kwenziwe utyelelo. Ezi zikolo zaye zachongwa ngobugcisa liSebe leMfundo likazwelonke.
|
| 3.3 |
ICandelo lokuQinisekiswa kweMigangatho leSebe leMfundo leNtshona Koloni liya kwazisa izikolo nezithili ngemihla echanekileyo yokutyelelwa yikomiti yoVavanyo lweSikolo Siphela (Whole School Evaluation team).
|
| 3.4 |
Ngoku eli Candelo lokuQinisekiswa kweMigangatho limi bume lixakekiswe yiprogram yokunika inkxaso emandla (intensive advocacy programme) emalunga noVavanyo lweSikolo Siphela. Zonke izikolo ziza kunikwa ingcaciso ebhaliweyo.
|
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2006:03:30
|