| 1. |
Ngokwekhalenda ye-IQMS yesikolo ka-2006, uvavanyo oluquphayo olwaqala ngo-Agasti 2006, lufanele ukuba lugqitywe ngowe-31 Oktobha 2006.
|
| 2. |
Inqununu yeziko ngalinye eliphantsi kolawulo lweSebe leMfundo leNtshona Koloni inoxanduva lokuqinisekisa ukuba amanqaku ovavanyo oluquphayo abo bonke ootitshala abahlawulwa imivuzo liSebe leMfundo leNtshona Koloni abakwelo ziko angeniswa kumququzeleli we-IQMS kwi-EMDC echaphazelekayo ngowe-14 Novemba 2006, njengoko kubhaliweyo kwikhalenda ye-IQMS yezikolo ka-2006.
|
| 3. |
Amanqaku katitshala ngamnye makarekhodwe kwi-Summary Composite Score Sheet for Individual Educators) (Annexure A).
|
| 4. |
Emva koko, onke amanqaku ootitshala makalungiswe kakuhle afakwe kwi-Summary Composite Score Sheet (Annexure B). Olu xwebhu malungeniswe phambi kowe-14 Novemba 2006.
|
| 5. |
Makuqatshelwe ukuba ukusonjululwa kweyantlukwano okanye kwezikhalazo makufikelelwe esigqibeni ngako ngokwemigqaliselo yomhlathi 10 weMvumelwano 8 neMibutho yaBasebenzi ka-2003 phambi kokuqala kwenkqubo yokumodareyitha esikolweni.
|
| 6. |
Inqununu inoxanduva lokusingatha inkqubo yokumodareyitha amanqaku esikolweni sayo.
|
| 7. |
Makulandelwe i-Moderation Steps (isiHlomelo C) eqhotyoshelweyo ukuqinisekisa ngokuthembeka kwamanqaku.
|
| 8. |
Umphathi wesekethe uya kuthi emva koko afumane amanqaku kumququzeleli we-IQMS aze amodareyithe amanqaku kwisekethe nganye.
|
| 9. |
Apho ootitshala balayo ukuthobela le mimiselo iyimfuneko yeMvumelwano 8 neMibutho yaBasebenzi ka-2003, malunga nomlinganiselo wentsebenzo, kuya kuqalisa ukusebenza imigaqo engenyathelo lezoluleko.
|
| 10. |
Kucelwa ukhumbuze bonke ootitshala abasebenza kwelo ziko ukuba unyuso-mvuzo lukaJulayi 2007 luya kuxhomekeka kuvavanyo oluquphayo luka-2006. Nakuphi na ukulibaziseka kuya kuthintela ukuphunyezwa konyuselo-mvuzo.
|
| 11. |
Ukuba unayo nayiphi na imibuzo, kucelwa uqaphele ukuba kuye kwakho utshintsho lwabaqeshwa kwiCandelo loQinisekiso lweMigangatho. Iingcombolo zabaququzeleli be-IQMS ziqhotyoshelwe kwisiHlomelo D. Kucelwa uqhagamshelane naba bantu ukufumana uncedo.
|
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2006:09:27
|