1. ISebe leMfundo leNtshona Koloni (WCED) ligqibe ekubeni likhuphe izintlu ezimbini zezithuba zengqesho ngo-2007. Ezi zintlu zezithuba ziya kuba nezithuba zeNqanaba 1 kwakunye nezithuba zonyuselo-sikhundleni (promotion posts) (kubandakanywa nezithuba zeenqununu).
2. Ziyacelwa iintloko namabhunga olawulo ezikolo/namabhunga ukuba baqinisekise ukuba izaziso zezithuba zizaliswa ngekhompyutha kwidrafti yoluhlu lwezithuba zengqesho ekwiziko lewebhu leWCED kule dilesi http://wced.wcape.gov.za
2.1 Izaziso zezithuba mazingeniswe ngekhompyutha kuphela. Akukho zifom zezaziso zezithuba ziya kwamkelwa. Iintloko zamaziko emfundo mazithetha-thethane nabaphathi beesekethe bazo ukuba ziye zafumana iingxaki malunga nokuzaliswa kwezaziso zezithuba kwidrafti yoluhlu lwezithuba kwiziko lewebhu. Kucelwa ufunde le kwiNgcaciso eMfutshane DPE/0010/2005 ye-18 Julayi 2005 malunga nalo mba (ikopi iqhotyoshelwe). Iinqununu zamaziko emfundo ezingakwaziyo ukufikelela kwiziko lewebhu maziqhagamshelane nabaphathi besekethe bazo.
2.2 Iimfuno zokuqeshwa neenkqubo zokuzaliswa kwezithuba ziya kuboniswa kuluhlu lwezithuba oluchaphazelekayo.

3. ISebe i-WCED linqwenela ukuqinisekisa ukuba, ngaphandle kokuba kuvele izinto ebezingacingelwanga ngaphambili, le mihla ingentla imisiweyo iya kulandelwa ngqo. Kuya kwenziwa amalungiselelo awodwa ukuqinisekisa ukuba imihla yokuvala ewela ngaphakathi komda wemisebenzi eluxanduva lweSebe iWCED ilandelwa ngqo. Nangona kunjalo, ukuze kuqinisekiswe ngokugcinwa nokuhlonelwa kwale mihla, kubalulekile ukuba bonke abachaphazelekayo babe nentsebenziswano yaye bahambe ngqo ngokwale mihla imisiweyo. Ngokumalunga noku, sinqwenela ukuba niqaphele imihla yokuvala kokungeniswa kwezaziso zezithuba nokufunyanwa kwamagama abatyunjiweyo kumabhunga olawulo ezikolo.
4. ISebe i-WCED likubona ukupapashwa nokuzaliswa kwezithuba zootitshala njengenkqubo ebaluleke gqitha. Alinako ukuvumela ukuba izithuba zengqesho zipapashwe zize zingazaliswa ngenxa yokusilela kwebhunga lolawulo lesikolo okanye kwenqununu ukungenisa amagama abatyunjiweyo kwangexesha. Izithuba ezipapashiweyo kodwa zingazaliswa zibangela ukungazinzi okungamkelekiyo esikolweni kwaye iSebe i-WCED liyithatha imeko enjengaleyo njengento embi kakhulu. Eli Sebe leMfundo lizimisele ukuqinisekisa ukuba izithuba ezipapashiweyo zizaliswa ngokweshedyuli ekuMhlathi 3 apha ngentla.
5. Ukuzimisela kweSebe i-WCED makubonwe njengelinge lokulawula lo msebenzi ubalulekileyo ngokwezikhokelo zomthetho nezobudlelwane emsebenzini ukwenzela ukuba kuzuze bonke abachaphazelekayo.
6. Le shedyuli ilandelayo inika imihla ekujongwe ukukhutshwa ngayo uluhlu lwezithuba zengqesho olupapashwayo neminye imihla ebalulekileyo:

OkwenziwayoUluhlu lwezithuba zengqesho
1/20072/2007
ISebe i-WCED liza kuvulela amaziko emfundo uluhlu lwezithuba zengqesho kwikhompyutha ngalo mhla17 Januwari 20074 Juni 2007
UMHLA WOKUVALA WEENQUNUNU UKUBA ZIFAKE IZITHUBA ZENGQESHO KWIZIKO LEWEBHU KWIKHOMPYUTHA02 Februwari 200715 Juni 2007
Abaphathi beesekethe mabangqine yaye batshekishe izaziso zezithuba09 Februwari 200722 Juni 2007
ISebe i-WCED liza kupapasha lize likhuphe uluhlu lwezithuba zengqesho ngalo mhla19 Februwari 200716 Julayi 2007
UMHLA WOKUVALA UKWAMKELWA KWEZICELO15 March 20076 Agasti 2007
ISebe i-WCED lithumela izicelo ezikolweni nge-16 April 200727 Agasti 2007
UMHLA WOKUVALA WAMABHUNGA OLAWULO/WAMABHUNGA OKUBA ANGENISE AMAGAMA ABATYUNJIWEYO KWI-WCED11 Meyi 200721 Septemba 2007
ISebe i-WCED livuma abatyunjiweyo ngalo mhla4 Juni 200731 Oktobha 2007
Umhla wokuqeshwa1 July 20071 Januwari 2008
7. Intsebenziswano yabo bonke abachaphazelekayo iya kuqinisekisa ulawulo oluyimpumelelo lwale nkqubo kwaye iya kuthakazelelwa kakhulu.


ISAYINWE: NGU-C.J. FOURIE
INTLOKO: YESEBE LEMFUNDO
UMHLA: 2006:12:04