1. UKhuphiswano lweBhajethi lweZikolo lusisiganeko esizingca ngaso sentsebenziswano phakathi kwamaLungu esiGgqeba seBhunga (Executive Council (MEC) seSebe lezeMali noKhenketho nabafundi kwiphondo, yaye sixhaswa zizikolo nabafundi ngomoya omhle nangokuzimisela okukhulu.
2. Izindululo ezenziwa nezimvo ezivakaliswa kwizincoko eziphuma phambili zenza ukuba sidle amathambo engqondo yaye zibe negalelo kwintetho yoMphathiswa yeBhajethi yonyaka kwiPalamente yePhondo nakuluntu ngokubanzi. Le ntetho, njengoko nisazi, igqithisa inkcazo yomgaqo-nkqubo wezimali kaRhulumente wePhondo.
3. Nangona kunjalo, ngenxa yonyulo loorhulumente basekhaya kulo nyaka, uSuku lweBhajethi yePhondo ku-2006 lwasiwa phambili kwi-17 Februwari 2006. Kukhangeleka ngathi uninzi lwezikolo nabafundi, njengoko abafundi bebesandul’ ukubuyela ezikolweni ekupheleni kukaJanuwari 2006, alukhange lube nokulisabela ikhwelo lokungenela olu khuphiswano kwangexesha.
4. Ngenxa yokubambalwa kwabo bathathe inxaxheba kuKhuphiswano lweBhajethi lweZikolo - 2006, kungosizi ukuba uMphathiswa Brown akhethe ukuyirhoxisa iprogram yalo nyaka. Sicela uxolo ngokwenene kwabo bafundi nezikolo ezenze imigudu, zangenisa izincoko zazo.
5. Siyathemba ukuba kunyaka ozayo kuya kubakho uthatho-nxaxheba mpela nomgangatho ophezulu, ukuze sibe nako kwakhona ukuqaphela ezo zikolo nabafundi abasinika iingcebiso ezinegalelo ekuqhubeleni phambili. Iibhajethi zingokuhlumisa nokuphuhlisa eli lizwe ngeyona ndlela ibhetele, yaye abafundi banamhlanje ngabo abaya kuxhamla ilifa kwixa elizayo, ngako oko siyathanda ukuba silifumane igalelo labo ngokunjalo.
6. Nceda wazise oku kule ngcaciso emfutshane bonke abafundi abachaphazelekayo.


ISAYINWE: NGU-J.H. LYNERS
INTLOKO: YESEBE LEMFUNDO
UMHLA: 2006:02:20