| 1. |
Ukwanda kwamanani abasebenzi kwaNdlunkulu kwiSebe iWCED ukususela ekuqalweni nasekuqhubela phambili kwalo kwithekhinoloji yokunxibelelana ngefoni, kwenze ukuba kube yimfuneko ukuba kutshintshwe inkqubo yefoni ebonelela ngeenkonzo kwaNdlunkulu kwizakhiwo i-Grand Central Towers nakwi-Sanlam Golden Acre.
|
| 2. |
Ukufakelwa nokugunyaziswa kwenkqubo yefoni kuya kuqhutywa ngexesha leeholide zeKresimesi (festive season) xa uninzi lwabasebenzi bakwaNdlunkulu lusekhefini, kwaye kuya kuqaliswa nge-18 Disemba 2006 kuze kugqitywe nge-17 Januwari 2007 xa kuvulwa izikolo.
|
| 3. |
Ngenxa yobukhulu bale projekthi kwakunye nobuninzi beefoni (telephone extensions) ekufuneka ziqhagamshelaniswe nenkqubo yefoni entsha, kungenzeka ukuba abasebenzi babe nengxaki yokuphazamiseka nokuqhawuka xa besebenzisa iifoni.
|
| 4. |
Ukuba nabaphi na abasebenzi bafumana ingxaki malunga nokunxibelelana ngefoni emva kokuba kugqitywe ukufakelwa kwale nkqubo intsha yefoni nge-17 Januwari 2007, bayacelwa ke ukuba bachazele iCandelo leeNkonzo zeFoni kwezi nombolo: 2792, 2793 no-2794 khon' ukuze loo ngxaki isonjululwe.
|
| 5. |
Okuqulethwe kule ngcaciso makwaziswe bonke abachaphazelekayo ukuze bakuthathele ingqalelo. Nayiphi na imibuzo malunga nokuqulethwe yile ngcaciso imfutshane, mayibhekiswe ngqo kuMnu DH Rossouw kule nombolo: 021 467 2793.
|
ISAYINWE: NGU-J.T. SOLOMONS
INTLOKO: YESEBE LEMFUNDO
UMHLA: 2006:12:18
|