1. INkulumbuso yePhondo leNtshona Koloni, uMnu Ebrahim Rasool, imema bonke abasebenzi beSebe leMfundo leNtshona Koloni kwakunye nezikolo ukuba beze kwimibhiyozo yoSuku lweNkcubeko eliLifa Lethu, eza kubaseGrand Parade eKapa ngeCawe, 24 Septemba 2006 neya kuqala ngentsimbi ye-09:00 (iqhotyoshelwe iflaya).
2. Isithethi esiphambili kule mibhiyozo nguMongameli weLizwe, uMnu Thabo Mbeki.
3. Iprogram yolu suku (eqhotyoshelweyo) iya kubandakanya umculo, imiboniso, imithandazo yeenkolo ngeenkolo, ukuvulwa kweNdebe yeBhola yeHlabathi yooDingikhaya (Homeless Soccer World Cup), umdlalo ohlekisayo (comedy), idrama, abadanisi basesitratweni namaqonga ngamaqonga okutya.
4. Kuya kubakho iibhasi neetreyini ezisuka kwiSixeko saseKapa, e-Overberg, eWinelands naseWest Coast. Ukufumana ingcaciso engaphezulu ngezothutho kucelwa uqhagamshelane neSebe lezoBugcisa neNkcubeko apha 0860 142 142 (iqhotyoshelwe iflaya).
5. Kucelwa wazise okukule ngcaciso emfutshane bonke abachaphazelekayo.


ISAYINWE: NGU-J.H. LYNERS
INTLOKO: YESEBE LEMFUNDO
UMHLA: 2006:09:20

Programme  (ubukhulu: 29 KB)
Pamphlet  (ubukhulu: 489 KB)