| 1. |
Umgaqo-nkqubo weBhunga lezeMfundo lezoBudlelane emSebenzini (Education Labour Relations Council) (ELRC) uye wafakelwa izilungiso yiMvumelwano 1 yoThetha-thethwano neMibutho yaBasebenzi ka-2006 (Collective Agreement 1 of 2006) eqala ukusebenza ngomhla woku-1 Meyi 2006.
|
| 2. |
Iinkalo ofikelela kuzo lo mgaqo-nkqubo
|
| 2.1 |
Lo mgaqo-siseko ofakelwe izilungiso wenza isibonelelo kuMhlathana 14.3 (Clause 14.3) weSihlomelo B (oqhotyoshelweyo) sokuba ubani avakalise ukuba kukho imbambano (dispute) esusela kuso nasiphi na isenzo okanye impazamo eyenziwe libhunga lolawulo lesikolo ngolunxulumene nengqesho (appointment), unyuselo-sikhundleni (promotion) okanye ukutshintshelwa kwezinye iindawo kootitshala (transfers).
|
| 2.2 |
Ngokumalunga noku, umgaqo omiselweyo kuMhlathana 14.3 (Clause 14.3) usebenza kuphela kwimbambano esusela kwiSiqendu 6(3) soMthetho weNgqesho yooTitshala (uMthetho No 76 ka-1998) (Section 6(3) of the Employment of Educators Act) ((Act No. 76 of 1998)).
|
| 3. |
Amaxesha asikelwe ukuvakalisa imbambano
|
| 3.1 |
Le Mvumelwano kwakhona iza namaxesha amatsha asikiweyo.
|
| 3.2 |
Iimbambano eziphathelele ekuqeshweni, kunyuselo-sikhundleni okanye ekutshintshweni kwabaqeshwa basiwe kwezinye iindawo (transfers) mazifakwe kuNobhala Jikelele we-ELRC zingadlulanga iintsuku ezingama-30 azile okanye azisiwe malunga nomcimbi obangele imbambano ngokoMhlathana 16.1.3 weSihlomelo B (esiqhotyoshelweyo).
|
| 3.3 |
Nakuba kunjalo, ukuba umqeshwa ufaka isikhalazo (grievance) kuqala, kodwa aze kamva anqwenele ukufaka kwakunye nembambano (dispute), loo mbambano mayifakwe zingadlulanga iintsuku ezingama-30 umqeshwa lowo eyekile ukuqhubeka nenkqubo yovakaliso lwezikhalazo (grievance procedure).
|
| 3.4 |
Akanako umqeshwa ukuthi kuvele imbambano efuna kulandelwe kuqala inkqubo yangaphakathi yezikhalazo (internal grievance procedure), de igqitywe loo nkqubo, ngaphandle kokuba akubangakho siphumo kwiintsuku ezingama-45 sifakiwe isikhalazo.
|
| 4. |
Okuqhotyoshelwe apha sisicatshulwa osithunyelelwayo nesithathwe kwiMvumelwano (Agreement) esinezi ndawo zichaphazelekayo zeMihlathi 14.3 nowe-16.1 yeSihlomelo B salo mgaqo-siseko we-ELRC ufakelwe izilungiso.
|
| 5. |
Okubhalwe kule ngcaciso imfutshane makwaziswe bonke ootitshala kunye namabhunga olawulo lwezikolo.
|
ISAYINWE: NGU-G.J. ELLIOTT
INTLOKO: YESEBE LEMFUNDO
UMHLA: 2006:07:06
|