1. Esinye seziphumo ezingundoqo eziqulethwe kwiNkcazelo yeKharityhulam kaZwelonke sifuna ukuba abafundi babe nako "ukuqokelela, ukuhlalutya, ukucwangcisa nokuphicotha ngeliso elibukhali ingcaciso" o.k.t. ukuzuza izakhono zolwazi lokufunda nokubhala kulwazi. Kwizikolo zethu, iilayibrari zizitshixo zokufikelela kolu lwazi.
2. Ngako oko ke kubaluleke gqitha ukuba kubekho iintlobo ezininzi zeencwadi namancedo elayibrari, ukongeza kwiincwadi zezifundo (textbooks) neencwadi zokufunda (readers), nekufuneka zenziwe ukuba zifumaneke ukuze zisetyenziswe ezikolweni, ukuze abafundi bakwazi

  • ukuphucula izakhono zokufunda nokubhala, umz. ukufunda, upelo lwamagama, ingqiqo yokwazi intsingiselo yokubhaliweyo nokubhala.

  • ukuphuhlisa izakhono zolwazi lokubala.

  • ukufikelela nokusebenzisa izixhobo zolwazi ezingundoqo ekuphumezeni ngempumelelo inkonzo yeMfundo ngekhompyutha (e-Learning).

  • ukucacisa ulwazi ukwenzela ukuba elowo nalowo azivelisele ulwazi olutsha olulolwakhe.

  • ukubona izinto ezintsingiselo imbaxa, nengachanekanga nengcaciso elabalabayo.

  • ukwenza izigqibo ezicingisisiweyo ezisekelwe ekuhleleni nasephicotheni ingcaciso ngeliso elibukhali.

  • ukucinga ngendlela yokubona izinto ngeendlela ezininzi.
3. Amancedo azizinto zokufunda aselayibrari abandakanya oku kulandelayo:

  • imiqulu yeencwadi yokukhangela amagama nengcaciso (ii-ensayiklophidiya, ii-atlasi, izichazi-magama njl. njl.)

  • iincwadi ezingengomabali (iincwadi zengcaciso nezinto ezenzekayo)

  • iincwadi ezingamabali (iinoveli, amabali amafutshane, iintsomi, iilejendi, iincwadi zemifanekiso, njl. njl.)

  • iiphowusta neephamflethi

  • iimagazini namaphephandaba

  • iikhasethi ezimanyelwayo (audio cassettes) esele zirekhodiwe, iividiyo, iiDVD neeCD-ROM

  • iintlobo ngeentlobo zeziboneleo zelayibrari zamajelo engcaciso amaninzi (multimedia packages).
4. IMigaqo neMimiselo yoLwabiwo-mali yeZikolo (Norms & Standards Funding for Schools) yenza isibonelelo sokuthengwa kweencwadi namancedo elayibrari (kwakunye neencwadi zezifundo ezimiselweyo nezifundwayo (textbooks and readers). Le ngcaciso ilandelayo ekwisetyhula 0056/2005 ibhekiselele koku:
4.1 Kucetyiswa ukuba izikolo zisebenzise ama-60% esabelo-mali sazo ukuthenga "iincwadi zezifundo nezinye iincwadi" (textbooks and other books) (umhlathi 3.1.1(a) wale setyhula).
4.2 Iincwadi zaselayibrari zibandakanywe kwigama elithi "ezinye iincwadi" (umhlathi 4 apha Ishomelelo A 56/2005).
4.3 Zonke izikolo ezingekho phantsi kweSiqendu 21 kufuneka zenze izicelo zokufumana iincwadi zezifundo ezimiselweyo nezifundwayo kunye neencwadi zaselayibrari ngokungenisa iFom WCED-304 (umhlathi 3.2 apha Ishomelelo A 56/2005) kuMphathi weProjekthi yeLTSM (umhlathi 2 apha Ishomelelo A 56/2005).
4.4 Usuku olusikelwe ukungeniswa kweerikhwizishini zeencwadi zezifundo ezimiselweyo nezifundwayo kwizikolo ezingekho phantsi kweSiqendu 21 nguMvulo we-26 Apreli 2006 (umhlathi 3.5 apha Ishomelelo A 56/2005). Naxa kunjalo, ezinye ii-odolo ze-LTSM (izixhobo zokuxhasa ukufunda nokufundisa kwakunye neencwadi/iikhasethi zaselayibrari)) zisenokungeniswa de kube ngumhla we-30 Novemba 2006 (umhlathi 3.5.2 apha Ishomelelo A 56/2005).
5. Ukufumana ingcaciso nengcebiso engaphezulu ngokumalunga noku kungentla, kucelwa ukuba uqhagamshelane noNksk. Colleen Meinert kwa-EDULIS (WCED Education Library and Information Service), kule foni: 021 957 9638, ifeksi :021 948 0748 okanye umthumelele i-imeyili apha: cmeinert@pgwc.gov.za..


ISAYINWE: NGU-B.K. SCHREUDER
INTLOKO: YESEBE LEMFUNDO
UMHLA: 2005:12:30