1. Ngenxa yesicelo semibutho ngemibutho yootitshala naphantsi kweSiqendu 76(4) (b) soMthetho woLawulo lweMali kaRhulumente,1999 (uMthetho 1 ka-1999) (PFMA), njengoko ufakelwe izilungiso (Section 76(4) (b) of the Public Finance Management Act 1999 (Act 1 of 1999) (PFMA), as amended, esifundwa kunye nomMiselo 8.3.3 (Regulation 8.3.3), inikiwe imvume kaNondyebo wePhondo PT16/3/3 yowe-22 Disemba 2005 (Provincial Treasury approval PT16/3/3 of 22 December 2005), yokutshintsha umhla wokuhlawulwa kwemivuzo yootitshala abasisigxina ekubeni ube ngumhla wokugqibela womsebenzi enyangeni okanye umhla wokugqibela wekota, wesimesta okanye wetrayimesta, ukuba ube ngumhla we-15 wenyanga ukususela kowe-1 Apreli 2006. Ukuba i-15 ayilosuku lomsebenzi, umhla wokufumana imivuzo uya kuba lusuku lomsebenzi lokugqibela ngaphambi kwe-15.
2. Ngenxa yoku kukhankanywe apha ngentla, aba titshala balandelayo baya kuhlawulwa nge-15 yenyanga nganye:

  • Ootitshala abasisigxina

  • Ootitshala abasisigxina - besimesta

  • Ootitshala abasisigxina - betrayimesta
3. Umhla wentlawulo yemivuzo yaba titshala balandelayo uya kuhlala ungatshintshanga yaye baya kuqhubeka behlawulwa ngosuku lokugqibela lwenyanga:

  • Ootitshala abaqeshwe ngemvumelwano (Contract appointments)

  • Ootitshala abasisigxina kodwa besengabalingwa (Permanent on probation)

  • Ootitshala ababambeleyo (Substitute educators)

  • Ootitshala abangesosigxina (Part-time educators)
4. Kucelwa wazise ootitshala abachaphazelekayo okubhalwe kule ngcaciso emfutshane ukuze babe nako ukwenza amalungiselelo eedebhithi oda, apho kuyimfuneko.


ISAYINWE: NGU-L.J. ELY
INTLOKO: YESEBE LEMFUNDO
UMHLA: 2006:03:13