| 1. |
Amaphepha emibuzo yeeMviwo zeMatriki novavanyo luka-ABET Level 4 ka-Oktobha/Novemba 2006 aya kusiwa ngqo kumaziko okubhalela iimviwo ngu-Skynet Courier Service, noya kuqokelela iincwadi zeempendulo kwakhona azibuyisele kwiSebe. Makungaze naphantsi kwayo nayiphi na imeko iincwadi zeempendulo ziposelwe kwiSebe okanye ziziswe ngabagadi babaviwa abaziintloko ngokwabo (nkqu nezikolo zaseKapa ngokwazo/namaziko aseKapa ngokwawo).
|
| 2. |
U-Skynet Courier Service uya kuqokelela iincwadi zeempendulo kwiziko lakho lokubhalela iimviwo phakathi ko-08:00 no-15:00 ngale mihla ilandelayo:
|
| 2.1 |
Ulwesine 12 Oktobha 2006 (IMatriki no-ABET Level 4)
|
| 2.2 |
Ulwesibini 17 Oktobha 2006 (IMatriki no-ABET Level 4)
|
| 2.3 |
ULwesine 19 Oktobha 2006 (IMatriki no-ABET Level 4)
|
| 2.4 |
Ulwesibini 24 Oktobha 2006 (IMatriki no-ABET Level 4)
|
| 2.5 |
Ulwesine 26 Oktobha 2006 (IMatriki no-ABET Level 4)
|
| 2.6 |
Ulwesibini 31 Oktobha 2006 (IMatriki no- ABET Level 4)
|
| 2.7 |
Ulwesine 02 Novemba 2006 (IMatriki nawo onke okugqibela ka-ABET Level 4)
|
| 2.8 |
Ulwesibini 07 Novemba 2006
|
| 2.9 |
ULwesine 09 Novemba 2006
|
| 2.10 |
Ulwesibini 14 Novemba 2006
|
| 2.11 |
Ulwesine 16 Novemba 2006
|
| 2.12 |
Ulwesibini 21 Novemba 2006
|
| 2.13 |
Ulwesine 23 Novemba 2006 (nawo onke okugqibela eMatriki)
|
| 3. |
Ukwenzela ukuqinisekisa ukuhamba kwale nkqubo ngaphandle kwamagingxi-gingxi, uyacelwa ukuba wazise umgadi wabaviwa oyintloko ngokupheleleyo ngalo mba ungentla nokuba wenze amalungiselelo ayimfuneko okugcinwa ngokhuselekileyo kwamaphepha emibuzo eemviwo kunye neencwadi zeempendulo.
|
| 4. |
UKUBUYISWA KWEENCWADI ZEEMPENDULO
|
| 4.1 |
ISebe libonelela ngezingxobo zeplastiki ezingwevu (grey) ukulungiselela ukubuyiswa kweencwadi zeempendulo, iimakhishiti, iirejista zokubakho eluviweni, indlela yokuhlala kwabafundi nenye imbalelwano enxulumene neemviwo. Isingxobo seplastiki ngasinye singafaka kangange-200 yeencwadi zeempendulo kwaye masisetyenziselwe iincwadi zeempendulo zeseshoni yoviwo enye nangaphezulu, isifundo esinye nangaphezulu, uhlelo (grade) okanye inkalo yesifundo (learning area) enye nangaphezulu.
|
| 4.2 |
Kubalulekile ukuqaphela ukuba izingxobo zeplastiki ezineencwadi zeempendulo ezingaphantsi kwe-200, mazingagcinwa zingahanjiswa naphantsi kwayo nayiphi na imeko ngezo ntsuku zokufika kwekhuriya ize kuqokelela iincwadi zeempendulo.
|
| 4.3 |
Ukwenzela ukuba kongiwe iindleko zenkonzo yekhuriya, bayabongozwa ngokwenene abagadi babaviwa ukuba bancede babeke iipakheji ezincinane kwingxowa enye khon' ukuze inani leepasile ngomthwalo ngamnye libe lelona lisezantsi.
|
| 4.4 |
U-Skynet Courier Service uya kunika amaziko okubhalela iimviwo izitikha zokulandela umkhondo nephetshana lokuthunyelwa kwepasile zosuku ngalunye kwezi zokuhanjiswa kweepasile. Kucelwa uncede uqinisekise ukuba amaxwebhu akhankanyiweyo azaliswa ngokuchanekileyo nokuba isitikha sokulandela umkhondo sincanyathiselwe kwipasela nganye.
|
| 4.5 |
Ukuba unengxaki yokushotelwa ziilebhile zakwa-Skynet Courier Service, nceda wazise abameli abaqokelela iipasela ezikolweni khon' ukuze beze nezinye iilebhile.
|
| 4.6 |
Emva kokuba ummeli wakwa-Skynet Courier Service eqokelele iipasela, uya kunikwa ikopi yephetshana lokuthunyelwa kwepasile (dispatch note), nekufuneka lizalisiswe ngumgadi wabaviwa oyintloko ukulungiselela iinjongo zokugcinwa kweerekhodi.
|
ISAYINWE: NGU-A.P. CLAUSEN
INTLOKO: YESEBE LEMFUNDO
UMHLA: 2006:08:31
|